ମୁମ୍ବାଇ : ମୁମ୍ବାଇରେ ଏକ ୨୬ ବର୍ଷିୟ ମହିଳାଙ୍କ ହତ୍ୟା ହୋଇଯାଇଛି । ଏହି ହତ୍ୟାର ଆରୋପୀ ହେଉଛି ମହିଳାଙ୍କ ସ୍ୱାମୀ । ଅଭିଯୋଗ ହୋଇଛି ଯେ ଚଳନ୍ତା ଟ୍ରେନରୁ ସ୍ୱାମୀ ନିଜ ସ୍ତ୍ରୀକୁ ଟ୍ରେନ ପ୍ରବେଶ ଦ୍ୱାରରେ ଛିଡ଼ା ହୋଇଥିବା ସମୟରେ ଧକ୍କା ଦେଇଛି । ଗୁରୁବାର ଦିନ ମୁମ୍ବାଇ ପୋଲିସ ଏହାର ତଦନ୍ତ କରି ସୂଚନା ଦେଇଛି ଯେ ସୋମବାର ଦିନ ଏହି ଘଟଣା ଘଟିଛି । ମହିଳା ଜଣକ ନିଜ ସ୍ୱାମୀଙ୍କ ସହ ଟ୍ରେନରେ ଯାତ୍ରା କରୁଥିବା ସମୟରେ ଚୈମ୍ବୁର ଓ ଗୋଂଓଡ଼ିର ରେଳ ଷ୍ଟେଶନ ମଧ୍ୟରେ ସ୍ୱାମୀ ଧକ୍କା ଦେଇଛି । ଯାହା ଫଳରେ ସ୍ତ୍ରୀର ମୃତ୍ୟୁ ହୋଇଯାଇଛି ।
ରେଳ ଷ୍ଟେଶନ ପୋଲିସ ଅଧିକାରୀଙ୍କ କହିବା ଅନୂସାରେ ମହିଳାଙ୍କ ସ୍ୱାମୀଙ୍କ ବୟସ ୩୧ ବର୍ଷ ହେବ । ସ୍ୱାମୀ ସ୍ତ୍ରୀ ଦୁଇ ଜଣ ଶ୍ରମିକ ଭାବେ କାର୍ଯ୍ୟ କରନ୍ତି । ୨ ମାସ ତଳେ ଦୁଇ ଜଣଙ୍କ ବିବାହ ହୋଇଥିଲା । ସୋମବାର ଦିନ ଦୁଇଜଣ ମୁମ୍ବାଇର ଲୋକାଲ ଟ୍ରେନରେ ଯାତ୍ରା କରୁଥିଲେ । ଦୁଇ ଜଣଙ୍କ ସହିତ ଏକ ୭ ବର୍ଷର ଝିଅ ମଧ୍ୟ ଥିଲା । ଯେଉଁ ଝିଅଟି ମହିଳାଙ୍କ ପୁର୍ବ ସ୍ୱାମୀଙ୍କର ଥିଲା ।
ରେଳ ପୋଲିସ ଅଧିକାରଙ୍କ କହିବା ଅନୁସାରେ ଯେମିତି ମହିଳା ଟ୍ରେନର ପ୍ରବେଶ ଦ୍ୱାର ପାଖକୁ ଯାଇ ଠିଆ ହେଲେ ସ୍ୱାମୀ ତାଙ୍କୁ ପଛପଟୁ ି ଜାଣି ଶୁଣି ଠେଲି ଦେଇଥିଲେ । ଏହା ପରେ ମହିଳା ଜଣକ ଚଳନ୍ତା ଟ୍ରେନରୁ ରେଳ ଟ୍ରାକ ଉପରେ ପଡ଼ିଯାଇଥିଲେ । ସ୍ୱାମୀଙ୍କର ଏହି କାର୍ଯ୍ୟକୁ ସେହି ଟ୍ରେନରେ ଯାଉଥିବା ଜଣେ ମହିଳା ଦେଖି ନେଇଥିଲେ ଓ ସେ ରେଳ ପୋଲିସକୁ ସଙ୍ଗେସଙ୍ଗେ ସୂଚନା ଦେଇଥିଲେ । ପୋଲିସ ତୁରନ୍ତ ସେଠାରେ ପହଞ୍ଚି ସ୍ୱାମୀଙ୍କୁ ଗିରଫ କରିବା ସହିତ ମହିଳାଙ୍କୁ ବେହୋସ ଅବସ୍ଥାରେ ଉଦ୍ଧାର କରିଥିଲେ ।
ପୋଲିସ ତୁରନ୍ତ ମହିଳା ଜଣଙ୍କୁ ଆମ୍ବୁଲାନ୍ସ ଯୋଗେ ପାଖ ହସ୍ପିଟାଲକୁ ନେଇଯାଇଥିଲେ । ତେବେ ମୁଣ୍ଡରେ ଗଭୀର ଆଘାତ ଲାଗିଥିବାରୁ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା ତେବେ ପୋଲିସ ମହିଳାଙ୍କ ବିରୁଦ୍ଧରେ ମାମଲା ରୁଜୁ କରି ତାକୁ ଗିରଫ କରିଛି ଓ ମହିଳାଙ୍କ ୭ ବର୍ଷ ଝିଅକୁ ତାଙ୍କ ପରିବାରବର୍ଗଙ୍କ ପାଖରେ ପହଞ୍ଚାଇଛି ।
