ବାଲେଶ୍ୱର, ବାରିପଦାରେ ଭୂକମ୍ପ ଅନୁଭୂତ

ଭୁବନେଶ୍ୱର: ବାଲେଶ୍ୱର, ବାରିପଦାରେ ଭୂକମ୍ପ ଅନୁଭୂତ ହୋଇଛି । ବାଲେଶ୍ୱର ସହର ଓ ଆଖପାଖ ଅଂଚଳରେ ପ୍ରଚଣ୍ଡ ଶବ୍ଦ ଶୁଭିଥିଲା । ପ୍ରଚଣ୍ଡ ଶବ୍ଦ ସହିତ ଭୂକମ୍ପର ଝଟକା ମଧ୍ୟ ଅନୁଭୂତ ହୋଇଛି । ବାରିପଦା ସହର ଓ ଏହାର ଆଖପାଖ ଅଂଚଳରେ ମଧ୍ୟ ଭୂକମ୍ପ ଅନୁଭୂତ ହୋଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳି ଯାଇଛି। ଲୋକମାନେ ଘରୁ ବାହାରି ଆସିଥିବା ଦେଖିବାକୁ ମିଳିଛି।  ଏଥିରେ କୌଣସି କ୍ଷୟକ୍ଷତିର ସୂଚନା ମିଳିନାହିଁ  । ୧୫ ଦିନ ତଳେ ଏପରି ପ୍ରଚଣ୍ଡ ଶବ୍ଦ ବାଲେଶ୍ୱର ଓ ମୟୂରଭଞ୍ଜ ଜିଲ୍ଲାର କେତେକ ଅଞ୍ଚଳରେ ଶୁଣିବାକୁ ମିଳିଥିଲା। ଏହାର ପ୍ରଭାବରେ ନୀଳଗିରି, ବାଲେଶ୍ୱର ଟାଉନ୍‌, ବାରିପଦା ଟାଉନ୍‌ ଆଖପାଖ ଅଞ୍ଚଳରେ ଭୂକମ୍ପ ଝଟକା ଅନୁଭୁତ ହୋଇଥିଲା। ତେବେ ଏହାର ଉତ୍ପତ୍ତି ସ୍ଥଳ ସମ୍ପର୍କରେ ଜଣାପଡ଼ିନଥିଲା।