କଳାହାଣ୍ଡି : କୋରୋନା ପରିସ୍ଥିତି କୁ ଦେଖି ଭାରତୀୟ ତୈଳ ନିଗମ ପକ୍ଷରୁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ମାଧ୍ୟମରେ ମାଗଣା ଗ୍ୟାସ ପ୍ରଦାନ କରାଯାଉଛି । କଳାହାଣ୍ଡି ଜିଲ୍ଲାରେ ମୋଟ ଦୁଇ ଲକ୍ଷ୍ୟ ଦୁଇ ହଜାର ଉଜ୍ଜ୍ଵଳା ଗ୍ୟାସ ଉପଭୋକ୍ତା ଏହି ଯୋଜନା ମାଧ୍ୟମରେ ତିନି ମାସରେ ତିନ ଟି ରିଫିଲ ଗ୍ୟାସ ପାଇବେ ବୋଲି ଫିଲଡ଼ ଅଫିସର ଦେବବ୍ରତ ମହାନ୍ତିଙ୍କ ସୂଚନା ପ୍ରଦାନ କରିଛନ୍ତି । ସମସ୍ତ ଉପଭୋକ୍ତା ଙ୍କ ବ୍ୟାଙ୍କ ଖାତାରେ ଅଗ୍ରୀମ ଟଙ୍କା ଜମା ହୋଇଯାଇଛି । ଜିଲ୍ଲାରେ ମୋଟ 29 ଜଣ ଗ୍ୟାସ ବିତରକ ସମସ୍ତ ଉପଭୋକ୍ତା ମାନଙ୍କୁ ସେବା ଯୋଗାଉଛନ୍ତି । ଏହି ଗ୍ୟାସ ବିତରଣ ନିୟୋଜିତ କର୍ମଚାରୀ ମାନଙ୍କର ଯଦି କୋରୋନା ପାଇଁ କିଛି କ୍ଷତି ହୁଏ, ତାହେଲେ କମ୍ପାନୀ ତରଫରୁ ପାଞ୍ଚ ଲକ୍ଷ୍ୟ ଟଙ୍କା ର ସହାୟତା ରାଶି ପ୍ରଦାନ କରାଯିବ ବୋଲି ଶ୍ରୀ ମହାନ୍ତି ସୂଚନା ପ୍ରଦାନ କରିଛନ୍ତି ।
