ଶ୍ରୀନଗର: ଆତଙ୍କବାଦୀଙ୍କ ଆକ୍ରମଣରେ ବାପା ଚାଲିଗଲେ । କିନ୍ତୁ ବାପାଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରୁନି ତାଙ୍କ ୭ ବର୍ଷୀୟ ଝିଅ । ଆଉ କହୁଛି ‘ପାପା ସକାଳେ ଫୋନ୍ କରି କହିଥିଲେ ଯେ ତାଙ୍କୁ ପ୍ରତିଦିନ ସ୍କୁଲ ଯିବାକୁ ପଡିବ ଏବଂ ଭଲ ଝିଅ ହେବାକୁ । ଆଜି ସକାଳେ କଲ୍ ଆସିଥିଲା । ରାତିରେ ମଧ୍ୟ କଲ ଆସିବ ।’ ଝିଅର ଏପରି କଥା ଶୁଣି ପରିବାର ଲୋକେ କାନ୍ଦିପକାଉଛନ୍ତି ଏବଂ ତାକୁ ବୁଝାଇବାକୁ ଚେଷ୍ଟା କରୁଥିଲେ ମଧ୍ୟ ସେ ବୁଝିବାକୁ ନାରାଜ । ତା’ର ଏକା ଜିଦ୍ ପାପା କହିଥିଲେ ଆସିବେ ।
ଘଟଣା ଅନୁସାରେ ଶ୍ରୀନଗରର ଲାଲ ଚକ୍ ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ବିହାରର ଲାଲ ବିଶାଲ କୁମାର ସହିଦ ହୋଇଛନ୍ତି। ମୁଙ୍ଗର ହାଭେଲି ଖଡକପୁରର ବାସିନ୍ଦା ସିଆର୍ପିଏଫ୍ ଯବାନ ବିଶାଲ କୁମାରଙ୍କ ସହିଦ ହେବାର ଖବର ପରିବାରବର୍ଗ ଗ୍ରହଣ କରିବା ମାତ୍ରେ ଶୋକର ଛାୟା ଖେଳିଯାଇଥିଲା। ଗ୍ରାମବାସୀ ଓ ସମ୍ପର୍କୀୟମାନେ ତାଙ୍କ ଘରକୁ ଯିବା ଆରମ୍ଭ କରିଛନ୍ତି। ଶହୀଦଙ୍କ ମୃତଦେହ ଆଜି ମୁଙ୍ଗରକୁ ଆସିବ । ବାସ୍ତବରେ ଆତଙ୍କବାଦୀମାନେ ସୋମବାର ଶ୍ରୀନଗର, ଜାମ୍ମୁ କାଶ୍ମୀରରେ ଏକ ସିଆର୍ପିଏଫ୍ କ୍ୟାମ୍ମ୍ପ୍ ଉପରେ ଆକ୍ରମଣ କରିଥିଲେ। ଆତଙ୍କବାଦୀମାନେ ଲାଲ ଚକ୍କର ମାଇସୁମାରେ ସିଆର୍ପିଏଫ୍ କର୍ମଚାରୀଙ୍କ ଉପରେ ଅନ୍ନ୍ଧାଧୁନ୍ ଗୁଳି ଚଳାଇଥିଲେ। ଯେଉଁଥିରେ ମୁଙ୍ଗରର ଲାଲ ବିଶାଲ ସହିଦ ହୋଇଥିଲେ। ଏହି ଆକ୍ରମଣରେ ଦୁଇ ଜଣ ଯବାନ ଆହତ ହୋଇଛନ୍ତି।
ଆକ୍ରମଣ ସମୟରେ ବିଶାଲ ନାକି ଗାଁର ଅବସରପ୍ରାପ୍ତ ରେଳ କର୍ମଚାରୀ ୧୧୨ ବର୍ଷିୟ ସରାୟୁଗ ମଣ୍ଡଳଙ୍କ ପୁଅ ଥିଲେ। ସେ ତାଙ୍କର ଚାରି ଭାଇଙ୍କ ମଧ୍ୟରୁ ସାନ ଥିଲେ (ସ୍ୱର୍ଗତ ଉମା ଶଙ୍କର ମଣ୍ଡଳ, ଘନଶ୍ୟାମ ମଣ୍ଡଳ, ଚନ୍ଦ୍ରଶେଖର ମଣ୍ଡଳ) । ୨୦୦୩ ରେ, ସେ ସିଆର୍ପିଏଫ୍ରେ ନିଯୁକ୍ତ ହୋଇଥିଲେ । ବିଶାଲ ୨୦୦୯ ରେ ସୁରେନ୍ଦ୍ର ମଣ୍ଡଳଙ୍କ ଝିଅ ବବିତା କୁମାରୀଙ୍କୁ ବିବାହ କରିଥିଲେ। ସେମାନଙ୍କର ୭ ବର୍ଷ ବିହୁ ଭାରତୀ ଏବଂ ୪ ବର୍ଷ ବୟସ୍କା ଶ୍ରୀ କୁମାରୀ ନାମରେ ୨ଟି ଝିଅ ଅଛନ୍ତି । ତେବେ ବାପାଙ୍କ ମୃତ୍ୟୁକୁ ସହଜରେ ବିଶ୍ୱାସ କରିପାରୁନଥିବା ବିହୁର ଏପରି ଭାବବିହ୍ୱଳ କଥା ଶୁଣି ପରିବାର ଲୋକେ ଦୁଃଖରେ ଭାଙ୍ଗିପଡ଼ିବା ସହ ବାରମ୍ବାର ତାକୁ ବୁଝାଇବାରେ ଲାଗିଛନ୍ତି । ବାପା ପ୍ରତି ଥିବା ଭଲପାଇବାକୁ ଦେଖି ଲୋକଙ୍କ ଆଖି ଲୋତକପୂର୍ଣ୍ଣ ହୋଇ ଯାଉଛି ।