କାର୍‌-ଟ୍ରକ୍ ଧକ୍କାରେ ୬ ମୃତ

ମିରଟ: ଉତ୍ତର ପ୍ରଦେଶ (ୟୁପି)ର ମୁଜାଫରନଗର ଜିଲ୍ଲା ଅନ୍ତର୍ଗତ ଛପାର ଅଞ୍ଚଳରେ ମଙ୍ଗଳବାର ଗୋଟିଏ କାର୍ ଓ ଟ୍ରକ୍ ମଧ୍ୟରେ ଧକ୍କା ହେବାରୁ କାର୍‌ରେ ଯାତ୍ରା କରୁଥିବା ୬ ଜଣ ପ୍ରାଣ ହରାଇଛନ୍ତି । ମୃତକଙ୍କ ବୟସ ୨୦ରୁ ୨୨ ବର୍ଷ ମଧ୍ୟରେ ବୋଲି ଜଣାପଡିଛି । ଦିଲ୍ଲୀର ସାହଦରା ଅଞ୍ଚଳର ୬ ଜଣ ଯୁବକ ମାରୁତି ସିଆଜ୍ କାର୍ ଯୋଗେ ଡେରାଡୁନ୍ ଯାଉଥିଲେ । ମଙ୍ଗଳବାର ଭୋର୍ ୪ଟା ସମୟରେ ଦିଲ୍ଲୀ-ଡେରାଡୁନ ରାଜପଥରେ ସେମାନଙ୍କ କାର୍‌ଟି ଏକ ୨୨ ଚକିଆ ଟ୍ରକ୍‌କୁ ପଛରୁ ଧକ୍କା ଦେଇଥିଲା । କାର୍‌ଟି ସମ୍ପୂର୍ଣ୍ଣ ଭାଙ୍ଗିରୁଜି ଯାଇଥିବାବେଳେ ଗ୍ୟାସ୍ କଟର ସାହାଯ୍ୟରେ ମୃତଦେହଗୁଡିକୁ ପୁଲିସ ଉଦ୍ଧାର କରିଥିବା ପ୍ରକାଶ ।