ବଲାଙ୍ଗୀର,- ଆଜି ବଲାଙ୍ଗିର ସହରରୁ ୩ ଜଣ ସମେତ ସମଗ୍ର ଜିଲ୍ଲାରେ ୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ବଲାଙ୍ଗିର ସହର ସୁଦ ପଡାର ଜଣେ, ବ୍ରାହ୍ମଣ ପଡାରୁ ଜଣେ ଓ ସ୍ଥାନିୟ ବେହେରାପାଲି ରୁ ଜଣେ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି । ସହରରେ ପୁଣି ୩ ଜଣ ସ୍ଥାନିୟ ସଂକ୍ରମଣ ର ଶିକାର ହୋଇଥିବା ରିପୋର୍ଟରେ ପ୍ରକାଶ ପାଇଛି । ଏହା ସହିତ ଆଗଲପୁର ବ୍ଲକ , ବେଲପଡା ବ୍ଲକ ଓ ବଙ୍ଗୋମୁଣ୍ଡା ରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ସହରରେ ଚିହ୍ନଟଙ୍କ ମଧ୍ୟରେ ୩ଜଣ ପୁରୁଷ ରହିଛନ୍ତି । ବ୍ରାହ୍ମଣ ପଡା ରେ ଚିହ୍ନଟ ହୋଇଥିବା ପୁରୁଷଙ୍କ ବୟସ ୩୦ ହୋଇଥିବା ବେଳେ ସେ କରୋନା ପଜିଟିଭ ରୋଗୀଙ୍କ ସଂଷ୍ପର୍ଷରେ ଆସି ଆକ୍ରାନ୍ତ ହୋଇଛନ୍ତି । ସେହିପରି ବେହେରା ପାଲି ଓ ସୁଦପଡା ରୁ ଚିହ୍ନଟ ହୋଇଥିବା ପୁରୁଷଙ୍କ ବୟସ ଯଥାକ୍ରମେ ୨୨ ଓ ୩୦ ହୋଇଥିବା ସ୍ଥଳେ ଉଭୟ ସ୍ଥାନିୟ ସଂକ୍ରମଣ ର ଶିକାର ହୋଇଥିବା ରିର୍ପୋଟ ରୁ ପ୍ରକାଶ । ଆଗଲପୁର ବ୍ଲକ ଡୁଡକା ଗାଁରୁ ଚିହ୍ନଟ ହୋଇଥିବା ଜଣେ ପୁରୁଷଙ୍କ ବୟସ ୨୫ ହୋଇଥିବା ବେଳେ ସେ ତାମିଲ ନାଡୁ ଫେରି କ୍ୱାରେଣ୍ଟାଇନରେ ଅଛନ୍ତି । ବେଲପଡା ବ୍ଲକ ନୁନହାଡ ଗାଁରୁ ଚିହ୍ନଟ ହୋଇଥିବା ୯ ବର୍ଷ ର ବାଳିକା ମୁମ୍ବାଇରୁ ଫେରି କ୍ୱାରେଣ୍ଟାଇନରେ ଅଛନ୍ତି । ସେହିପରି ବଙ୍ଗୋମୁଣ୍ଡା ବ୍ଲକ ର ବିରିପାଲି ଗ୍ରାମର ୪୮ ବର୍ଷର ପୁୁରୁଷ ମୁମ୍ବାଇ ରୁ ଫେରି କ୍ୱାରେଣ୍ଟାଇନରେ ଥିବା ବେଳେ ତାଙ୍କର ନମୁନା ପୋଜିଟିଭ ଜଣାପଡିଛି । ଇତି ମଧ୍ୟରେ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଙ୍ଖ୍ୟା ୨୯୭ରେ ପହଂଚିଛି । ସେ ମଧ୍ୟରୁ ୪୧ଜଣ ସକ୍ରିୟ ରହିଥିବା ବେଳେ ୨୫୬ ଜଣ ସୁସ୍ଥ ହୋଇଛନ୍ତି ।
ଆଜି ବଲାଙ୍ଗୀର ସହରରୁ ୩ ସମେତ ଜିଲ୍ଲାରେ ୬ ଆକ୍ରାନ୍ତ ଚିହ୍ନଟ ପୁଣି ୩ ସ୍ଥାନୀୟ ସଂକ୍ରମଣର ଶିକାର
