ଲମତାପୁଟ: ଲମତାପୁଟ ପୋଲିସକୁ ମିଳିଛି ବଡ଼ ସଫଳତା । ପାଡୁଆରୁ କୋରାପୁଟ ଗଞ୍ଜେଇ ଚୋରାଚାଲାଣ ହେଉଥିଲା ବେଳେ ୩ବସ୍ତା ଗଞ୍ଜେଇ ଜବଦ କରିବା ସହ ୫ ଜଣକୁ ଗିରଫ କରିଛି ପୋଲିସ । ସେଥିରୁ ୪ଜଣ କଲେଜ ଛାତ୍ର ଥିବାର ଜଣା ପଡ଼ିଛି । ଲମତାପୁଟ ଠାରେ ପୋଲିସ ଗାଡି ଯାଞ୍ଚ କରୁଥିଲା । ଏହି ସମୟରେ ୩ଟି ମଟର ସାଇକେଲ ପୋଲିସ ବ୍ୟାରିକେଡ ଭାଙ୍ଗି ଦୃତ ଗତିରେ ପଳାଇଥିଲେ ।
ପୋଲିସ ବାଇକ ଗୁଡ଼ିକୁ ପିଛା କରି କାଡାମ୍ ଗ୍ରାମ ନିକଟରେ ଧରିବାକୁ ସକ୍ଷମ ହୋଇଥିଲା । ୩ଟି ବାଇକରେ ଚୋରା ଚାଲାଣ ହେଉଥିବା ୩ଟି ବସ୍ତାରେ ପ୍ରାୟ୭୫ କେଜି ଗଞ୍ଜେଇ ଜବତ କରି ୫ଜଣଙ୍କୁ ପୋଲିସ ଗିରଫ କରିଥିଲା । ପାଡୁଆ ଗ୍ରାମର ବାବୁଲା ବାଟଗରିଆ ସହ , କଲେଜ ଛାତ୍ର ସିମିଳିଗୁଡାର ରାଜୀବ ଖିଲ ,ପ୍ରମଦ ମଙ୍ଗରାଜ ,ରବି କିଶୋର ପଟ୍ଟନାୟକ ଓ କୋରାପୁଟର ମୋତି ରାମ ଗଣ୍ଡାକୁ ଗିରଫ କରିଛି ।
