ଇରାନରେ ୪ ସୈନ୍ୟଙ୍କୁ ହତ୍ୟା

ତେହେରାନ୍ : ଇରାନ୍‌ର ସିସ୍ତାନ୍‌-ବାଲୁଚିସ୍ତାନ ପ୍ରଦେଶ ଅନ୍ତର୍ଗତ ସରାଭାନ୍ ଅଞ୍ଚଳରେ ସୋମବାର ଆତଙ୍କବାଦୀ ଆକ୍ରମଣରେ ଇସ୍‌ଲାମିକ୍ ରିଭୋଲ୍ୟୁସନାରୀ ଗାର୍ଡର ୪ ଜଣ ସୈନ୍ୟ ପ୍ରାଣ ହରାଇଛନ୍ତି । ଏହା ପାକିସ୍ତାନ ସୀମା ସଂଲଗ୍ନ ହୋଇଥିବାବେଳେ ଏଠାରେ ବାଲୁଚି ସଂପ୍ରଦାୟର ସୁନ୍ନି ମୁସଲମାନ ଅଧିକ ସଂଖ୍ୟାରେ ବାସ କରୁଛନ୍ତି । ତେବେ ଅନେକ ସମୟରେ ଇରାନୀ ସୈନ୍ୟମାନେ ଏମାନଙ୍କ ଉପରେ ଅମାନୁଷିକ ଅତ୍ୟାଚାର କରିବା ସହ ପାକିସ୍ତାନ ପଳାଇଯିବାକୁ ବାଧ୍ୟ କରୁଥିବା ଏମାନେ ଅଭିଯୋଗ କରିଛନ୍ତି ।