ଜମ୍ମୁ : କଡା ନିରାପତ୍ତା ବ୍ୟବସ୍ଥା ମଧ୍ୟରେ ସୋମବାର ଆଉ ୩୮୮୮ ଶ୍ରଦ୍ଧାଳୁ ଜମ୍ମୁରୁ ଅମରନାଥ ଅଭିମୁଖେ ଯାତ୍ରା କରିଛନ୍ତି । ଚଳିତ ଅମରନାଥ ଯାତ୍ରାରେ ଏହା ହେଉଛି ୨୨ତମ ବ୍ୟାଚ୍ । ୧୪୯ଟି ବସ୍ରେ ଏହି ଯାତ୍ରୀଙ୍କୁ ପ୍ରଥମେ ଶ୍ରୀନଗର ନିଆଯିବ । ସେଠାରୁ ଦୁଇଟି ରୁଟ୍ ଯଥା ପେହଲଗାଓଁ ଓ ବାଲ୍ତାଲ ବାଟେ ଏମାନେ ଅମରନାଥ ଯାତ୍ରା କରିବେ ବୋଲି ଜଣାପଡିଛି । ଏମାନଙ୍କ ମଧ୍ୟରେ ୨୮୯୮ ପୁରୁଷ, ୮୯୮ ମହିଳା, ୯୦ ସାଧୁ ଏବଂ ୧୨ ଜଣ ଶିଶୁ ଅନ୍ତର୍ଭୁକ୍ତ । ଇତିମଧ୍ୟରେ ୩.୨୫ ଲକ୍ଷ ଶ୍ରଦ୍ଧାଳୁ ଅମରନାଥ ଗୁମ୍ଫାସ୍ଥିତ ବରଫ ଲିଙ୍ଗ ଦର୍ଶନ କରିସାରିଲେଣି ।