ଗ୍ରିନ୍ଉଡ୍: ରବିବାର ସନ୍ଧ୍ୟା ବେଳେ ଏକ ଇଣ୍ଡିଆନା ମଲ୍ର ‘ଫୁଡ୍ କୋର୍ଟ’ରେ ଜଣେ ରାଇଫଲ୍ଧାରୀ ବ୍ୟକ୍ତି ଗୁଳି ଚଳାଇବାରୁ ୩ଜଣ ବ୍ୟକ୍ତି ନିହତ ହୋଇଥିବା ବେଳେ ଆଉ ୨ଜଣ ଆହତ ହୋଇଛନ୍ତି ବୋଲି ପୁଲିସ କହିଛି।
ପୁଲିସ ଆହୁରି ମଧ୍ୟ କହିଛି, ଜଣେ ସଶସ୍ତ୍ର ସାଧାରଣ ନାଗରିକଙ୍କ ଗୁଳି ଚୋଟରେ ଉକ୍ତ ରାଇଫଲ୍ଧାରୀ ବ୍ୟକ୍ତିଙ୍କର ମୃତ୍ୟୁ ଘଟିଛି।
ପ୍ରାପ୍ତ ସୂଚନା ଅନୁସାରେ, ଇଣ୍ଡିଆନାର ‘ଗ୍ରିନ୍ଉଡ୍ ପାର୍କ ମଲ୍’ରେ ଉପରୋକ୍ତ ଘଟଣାଟି ଘଟିଛି। ଗ୍ରିନ୍ଉଡ୍ ପୁଲିସ ବିଭାଗର ମୁଖ୍ୟ ଜିମ୍ ଆଇସନ୍ କହିଛନ୍ତି ଯେ, ୨ ଆହତଙ୍କୁ ନିକଟବର୍ତ୍ତୀ ଡାକ୍ତରଖାନରେ ଭର୍ତ୍ତି କରାଯାଇଛି। ୨ ଆହତଙ୍କ ମଧ୍ୟରେ ଅଛନ୍ତି ଜଣେ ୧୨ ବର୍ଷୀୟ ବାଳିକା।
