ଭୁବନେଶ୍ୱର: ଜୁଆ ଆଡ୍ଡା ଉପରେ ଚଢ଼ାଉ କରିବାକୁ ଯାଇ ହଟହଟା ହେଲା ପୁଲିସ। ପୁଲିସଙ୍କୁ ଉପରକୁ ଢେଲା ପଥର ମାଡ଼ କଲେ ଜୁଆଡି। ଘଟଣା ଘଟିଛି ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ପାଲକଷଣ୍ଡା ଗାଁରେ। ପଥର ମାଡ଼ରେ ଏଏସ୍ଆଇ ଯୁଧିଷ୍ଠିର ମାଝୀ, ଦୁଇ ପୁଲିସ କର୍ମୀଚାରୀ କୃଷ୍ଣଚନ୍ଦ୍ର ମଣ୍ଡଳ ଓ ଅରୁଣ ନାହାକ ଆହତ ହୋଇଛନ୍ତି।
ପାଲକଷଣ୍ଡା ଗାଁରେ ଜୁଆ ଆଡ୍ଡା ଚାଲିଥିବା ପୁଲିସ କୌଣସି ସୂତ୍ରରୁ ଖବର ପାଇଥିଲା। ମଙ୍ଗଳବାର ରାତିରେ ଏଏସ୍ଆଇ ଯୁଧିଷ୍ଠିର ମାଝୀଙ୍କ ସହ କୃଷ୍ଣଚନ୍ଦ୍ର ଓ ଅରୁଣ ଦୁଇ ପୁଲିସ କର୍ମଚାରୀ ସିଭିଲ ଡ୍ରେସରେ ଯାଇଥିଲେ।
ଜୁଆଡିମାନେ କୌଣସି ସୂତ୍ରରୁ ଏନେଇ ଖବର ପାଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚିବା କ୍ଷଣି ଜୁଆଡିମାନେ ତାଙ୍କୁ ଆକ୍ରମଣ କରିଥିଲେ। ପରେ ଖବର ପାଇ ପୁଲିସ ଫୋର୍ସ ଘଟଣାସ୍ଥଳରେ ପହଞ୍ଚିଥିଲେ। ସେମାନଙ୍କୁ ମଧ୍ୟ ଜୁଆଡିମାନେ ଛାଡ଼ି ନଥିଲେ। ସେମାନଙ୍କ ଉପରକୁ ପଥର ମାଡ଼ କରିଥିଲେ। ପରେ ପରିସ୍ଥିତି ନିୟନ୍ତ୍ରଣକୁ ଆସିଥିଲା।
ପୁଲିସ ଏହି ଘଟଣାରେ ସୁଶାନ୍ତ କୁମାର ସ୍ୱାଇଁ, ପ୍ରସାଦ ବେହେରା ଏବଂ ଭଗବାନ ସ୍ଵାଇଁଙ୍କୁ ଗିରଫ କରି କୋର୍ଟ ଚାଲାଣ କରିଛି। ଏହାସହ ନଗଦ୩୬ ହଜାର ୨୪ହ ଟଙ୍କା, ଦୁଇଟି ମୋବାଇଲ୍, ଗୋଟିଏ ଖଣ୍ଡା ଏବଂ ୫୨ ପଟ ତାସ୍ ଜବତ କରିଥିଲା।
