ଭୁବନେଶ୍ୱର: ରାତିରେ ସ୍ନାକ୍ସ ନଦେବାରୁ ଜଣେ ଦୋକାନୀଙ୍କୁ ଆକ୍ରମଣ ଅଭିଯୋଗରେ ଖଣ୍ଡଗିରି ଥାନା ପୁଲିସ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଗିରଫ ଅଭିଯୁକ୍ତମାନେ ହେଲେ ବଂଶୀଧର ବେହେରା, ଅନୁଭବ ବେହେରା ଏବଂ ଦୀପକ ଖୁଣ୍ଟିଆ । ସୂଚନାଯୋଗ୍ୟ ଯେ, ଅଭିଯୋଗକାରୀଙ୍କର ଖଣ୍ଡଗିରି ପାହାଡ ନିକଟରେ ଗୋଟିଏ ସ୍ନ୍ାକ୍ସ ଦୋକାନ ଅଛି । ଗତ ତା ୨୩.୦୫.୨୦୨୩ ରିଖ ରାତିରେ ସେ ତାଙ୍କର ଦୋକାନ ବନ୍ଦ କରୁଥିବା ସମୟରେ ଅଭିଯୁକ୍ତ ଅନୁଭବ ତାଙ୍କର ଭଉଣୀ ଓ ଅନ୍ୟ ଜଣଙ୍କ ସହିତ ଉକ୍ତ ଦୋକାନ ନିକଟକୁ ଆସି ସ୍ନାକ୍ସ ମାଗିଥିଲେ ।
ଅଭିଯୋଗକାରୀ ଦୋକାନ ବନ୍ଦ କରୁଥିବାରୁ ସ୍ନାକ୍ସ ଦେବାକୁ ମନା କରିଦେଇଥିଲେ । ଏହାକୁ କେନ୍ଦ୍ର କରି ଅଭିଯୋଗକାରୀ ଏବଂ ଅଭିଯୁକ୍ତ ଅନୁଭବଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏନେଇ ଅଭିଯୁକ୍ତ ଅନୁଭବ ତାଙ୍କର ବାପା ଓ ସାଙ୍ଗ ଦୀପକକୁ ଘଟଣା ସ୍ଥଳକୁ ଡ଼ାକିଥିଲେ । ଅଭିଯୁକ୍ତମାନେ ଅଭିଯୋଗକାରୀଙ୍କୁ ଗାଳିଗୁଲଜ କରିବା ସହ ଆକ୍ରମଣ କରିଥିଲେ । କିଛି ସ୍ଥାନୀୟ ଦୋକାନୀ ଘଟଣା ସ୍ଥଳକୁ ଆସିବାରୁ ଅଭିଯୁକ୍ତମାନେ ଅଭିଯୋଗକାରୀଙ୍କୁ ହତ୍ୟା କରିବାର ଧମକ ଦେଇ ଘଟଣାସ୍ଥଳରୁ ଚାଲି ଯାଇଥିଲେ । ଏନେଇ ଚନ୍ଦନ ଖଣ୍ଡଗିରି ଥାନାରେ ଅଭିଯୋଗ କରିବା ପରେ ପୁଲିସ ତଦନ୍ତ କରି ଆଜି ବିଶେଷ ସୂତ୍ରରୁ ଖବର ପାଇ ଅଭିଯୁକ୍ତମାନଙ୍କୁ ଗିରଫ କରି ଥାନାକୁ ଆଣିଥିଲେ ।
