ବୁଗୁଡ଼ା :ବୁଗୁଡ଼ା ଥାନା ଅନ୍ତର୍ଗତ ଡେଙ୍ଗାପଦର ଗ୍ରାମର ଫେରାର ଥିବା ୩ ଜଣ ଆସାମୀଙ୍କୁ ୱାରେଣ୍ଟି ବଳରେ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି । ଗିରଫମାନେ ହେଲେ ଡେଙ୍ଗାପଦର ଗ୍ରାମର ସୁବାସ ଭୂୟାଁ, କନକ ଭୂୟାଁ ଓ ପ୍ରଦୀପ କୁମାର ଭୂୟାଁ । ଏ ନେଇ ଥାନାରେ ଏକ ମାମଲା ରୁଜୁ ହୋଇଥିଲା ।
ପ୍ରକାଶ ଯେ, ଗତ ୧୯୯୯ରେ ଏମାନେ ଏକ ବଧୂ ହତ୍ୟା ମାମଲାରେ ଜଡିତ ଥିବାବେଳେ ଏମାନଙ୍କୁ ଅଦାଲତ ପକ୍ଷରୁ ଚଳିତ ବର୍ଷ ଅକ୍ଟୋବରରେ ଦଣ୍ଡିତ କରାଯାଇଥିଲା । ଦୀର୍ଘ ଏକ ମାସ ଫେରାର ଥିବା ଦଣ୍ଡିତ ବ୍ୟକ୍ତି ଶ୍ୱଶୁର ସୁବାଷ, ଶାଶୂ କନକ ଓ ସ୍ୱାମୀ ପ୍ରଦୀପକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଆଇଆଇସି ଚିତ୍ତ ରଞ୍ଜନ ବେହେରାଙ୍କ ଠାରୁ ପ୍ରକାଶ ।
