ନ୍ୟୁୟର୍କ : ୧୯୬ ୨ ମସିହାରେ ନିର୍ମିତ ଏକ ଫରାରି କାର୍କୁ ନିକଟରେ ୫୧.୭ ନିୟୁତ ଡଲାରରେ (ଭାରତୀୟ ମୁଦ୍ରାରେ ପ୍ରାୟ ୪୨୫ କୋଟି ଟଙ୍କା) ନିଲାମ କରାଯାଇଛି । ସୋମବାର ନ୍ୟୁୟର୍କ ସହରରେ ସୋ୍ଥବିଜ୍ ସଂଗଠନ ପକ୍ଷରୁ ଏହାକୁ ନିଲାମ କରାଯାଇଛି । ଲାଲ ରଙ୍ଗର ଏହି କାର୍କୁ ଆମେରିକାର ଜଣେ ସୌଖୀନ୍ କାର୍ ସଂଗ୍ରହକାରୀ ବିଗତ ୩୮ ବର୍ଷ ଧରି ନିଜ ପାଖରେ ରଖିଥିଲେ ।
ତେବେ ନିଲାମ ଧରିଥିବା ବ୍ୟକ୍ତିଙ୍କ ନାମକୁ ଗୋପନ ରଖାଯାଇଛି । ପୁରୁଣା ଦାମୀ କାର୍ ଏତେମୂଲ୍ୟରେ ନିଲାମ ହେବାରେ ଏହା ହେଉଛି ଦ୍ୱିତୀୟ ଘଟଣା । ପୂର୍ବରୁ ମର୍ସିଡିଜ୍ ୩୦୦ ଏସ୍ଏଲଆର୍ କାର୍ ୨୦୨୨ରେ ରେକର୍ଡ ୧୩୫ ନିୟୁତ ଡଲାର (ଭାରତୀୟ ମୁଦ୍ରାରେ ପ୍ରାୟ ୧୧୨୧ କୋଟି)ରେ ନିଲାମ କରାଯାଇଥିଲା ।
