ଏକାଥରେ ହୁତ ହୁତ ହୋଇ ଜଳିଗଲା ୧୭ କାର

ନୂଆଦିଲ୍ଲୀ : ଏକାଥରେ ଜଳିଗଲା ୧୭ କାର । ବୁଧବାର ଭୋର ପ୍ରାୟ ୧.୧୭ରେ ଏଭଳି ଏକ ଭୟଙ୍କର ଅଗ୍ନିକାଣ୍ଡ ଘଟିଛି ଦିଲ୍ଲୀ ମଧୁ ବିହାର ଅଞ୍ଚଳରେ । ଏହି ପାର୍କିଂ ସ୍ଥଳଟି ମାଣ୍ଡୱାଲି ପୋଲିସ ଷ୍ଟେସନ୍‌ର ଅତି ନିକଟରେ ରହିଛି । ତେବେ ଅଗ୍ନିକାଣ୍ଡର ଖବର ପାଇ ସ୍ଥାନୀୟ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆକୁଆୟତ୍ତ କରିଥିଲା । ହେଲେ ସେତେବେଳକୁ ୧୭ଟି କାର ଜଳି ପୋଡ଼ି ନଷ୍ଟ ହୋଇସାରିଥିଲା । ଏହି ନିଆଁ ଲିଭା କାର୍ଯ୍ୟରେ ପ୍ରାୟ ୯ଟି ଦମକଳ ବାହିନୀ ଗାଡ଼ି ନିୟୋଜିତ ଥିଲେ । ଦୁଇ ଘଣ୍ଟାରୁ ଅଧିକ ସମୟ ଧରି ଲଗାତାର ପରିଶ୍ରମ ପରେ ନିଆଁ ଲିଭିଥିଲା । ଅଗ୍ନିଶମ ଅଧିକାରୀଙ୍କ କହିବାନୁଯାୟୀ ନିଆଁ ଲାଗିବାର କାରଣ ଏବେ ସୁଦ୍ଧା ଜଣାପଡ଼ିନାହିଁ । ଆପେ ଆପେ ନିଆଁ ଲାଗିଛି ନା ଏହା ପଛରେ କାହାର ଷଡ଼ଯନ୍ତ୍ର ରହିଛି । ସେନେଇ ତଦନ୍ତ ଚାଲିଛି ।