୧୪ ବିମାନର ଗତିପଥ ପରିବର୍ତ୍ତନ

ବେଙ୍ଗାଲୁରୁ: ବେଙ୍ଗାଲୁରୁର ଦେବନହଲ୍ଲୀରେ ମଙ୍ଗଳବାର ସନ୍ଧ୍ୟାରେ ଭୀଷଣ ବର୍ଷା ହେବା ସହିତ ଖରାପ ପାଣିପାଗ କାରଣରୁ କେମ୍ପେଗୌଡ଼ା ବିମାନ ବନ୍ଦରରେ ଅବତରଣ କରିବାକୁ ଥିବା ୧୪ ବିମାନର ଗତିପଥ ପରିବର୍ତ୍ତନ କରାଯାଇଛି । ସେହିପରି ୬ ବିମାନ ବିଳମ୍ବରେ ଯାତ୍ରାରମ୍ଭ କରିଛନ୍ତି । ୧୨ଟି ବିମାନକୁ ଚେନ୍ନାଇ, ଗୋଟିଏ କୋଏମ୍ବାଟୁର ଏବଂ ଅନ୍ୟ ଗୋଟିଏ ବିମାନକୁ ହାଇଦ୍ରାବାଦ ପଠାଯାଇଛି । କେମ୍ପେଗୌଡ଼ା ଅନ୍ତର୍ଜାତୀୟ ବିମାନ ବନ୍ଦରର ଜଣେ ଅଧିକାରୀ କହିଛନ୍ତି ଜୋର୍ ପବନ ଏବଂ ଭୀଷଣ ବର୍ଷା ସହିତ ବଜ୍ରପାତ କାରଣରୁ ସନ୍ଧ୍ୟା ୪ଟା ୫ରୁ ୪ଟା ୫୧ ମିନିଟ୍ ପର୍ଯ୍ୟନ୍ତ ବିମାନ ଚଳାଚଳ ପ୍ରଭାବିତ ହୋଇଥିଲା । ପାଣିପାଗ ବିଭାଗ ଅନୁସାରେ ବିମାନ ବନ୍ଦରରେ ୪୫.୨ ମିମି ବର୍ଷା ରେକର୍ଡ କରାଯାଇଛି । ଏହାପରେ ବିମାନ ସେବା ସ୍ୱାଭାବିକ ହୋଇଯାଇଛି । ଅନ୍ୟପକ୍ଷରେ ବେଙ୍ଗାଲୁରୁ ସହରର ମଧ୍ୟଭାଗରେ ବର୍ଷା ହୋଇନାହିଁ ।