ମଧ୍ୟପ୍ରଦେଶ : ୬୨ ଘଣ୍ଟା ପରେ ବି ଉଦ୍ଧାର ହୋଇନି ତନ୍ମୟ। ୪ ଦିନ ହେଲା ବୋରୱେଲ୍ରେ ଫସି ରହିଛି ୮ ବର୍ଷର ତନ୍ମୟ। ତନ୍ମୟର ଅତିନିକଟରେ ପହଞ୍ଚିଛନ୍ତି ଉଦ୍ଧାରକାରୀ ଦଳ। ଖୁବ୍ଶୀଘ୍ର ବୋରୱେଲରୁ ଉଦ୍ଧାର ହବେ ତନ୍ମୟ। ଜେସିବି ସାହାଯ୍ୟରେ ଗାତ ଖୋଳା ଚାଲିଛି। ପଥର ଏବଂ ପାଣି ଯୋଗୁଁ ଉଦ୍ଧାର କାର୍ଯ୍ୟରେ ବିଳମ୍ବ ହେଉଛି।
୪ ଦିନ ହେଲା ତନ୍ମୟକୁ ଉଦ୍ଧାର କରିବାକୁ ଚେଷ୍ଟା ଚଲାଇଛନ୍ତି NDRF, SDRF ଓ ଅଗ୍ନିଶମ ବିଭାଗ। ପିଲାଟିକୁ ପାଇପ୍ ଯୋଗେ ଅକ୍ସିଜେନ୍ ଯୋଗାଇ ଦିଆଯାଉଛି। କ୍ୟାମେରା ସାହାଯ୍ୟରେ ପିଲାଟିର ଗତିବିଧି ଉପରେ ନଜର ରଖାଯାଇଛି । ଉଦ୍ଧାର ପରେ ତୁରନ୍ତ ମେଡିକାଲ ନେବା ପାଇଁ ଆମ୍ବୁଲାନ୍ସର ବ୍ୟବସ୍ଥା କରାଯାଇଛି।
ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ଚୌହ୍ଵାନ୍ ମଧ୍ୟ ଉଦ୍ଧାର କାର୍ଯ୍ୟ ଉପରେ ନଜର ରଖିଚନ୍ତି। ତନ୍ମୟ ସୁରକ୍ଷିତ ଉଦ୍ଧାର ହେଉ ସେନେଇ ଟୁଇଟ୍ କରିଛନ୍ତି। ଗତ ୬ ତାରିଖରେ ମଧ୍ୟପ୍ରଦେଶର ବେତୁଲି ଜିଲ୍ଲା ମଣ୍ଡାଓ୍ଵି ଗାଁରେ ଘଟିଥିଲା ଅଘଟଣ। ରାତି ପ୍ରାୟ ସାଢେ ୮ଟା ବେଳେ ୮ ବର୍ଷର ତନ୍ମୟ ସାହୁ ଖେଳୁଥିବାବେଳେ ବୋରୱେଲ୍ ଭିତରେ ଖସି ପଡ଼ିଥିଲା ।
