ହାଇଦ୍ରାବାଦ: ଚଳିତମାସ ୩୦ରେ ତେଲେଙ୍ଗାନା ବିଧାନସଭାର ୧୧୯ ଆସନ ପାଇଁ ଗୋଟିଏ ପର୍ଯ୍ୟାୟରେ ଭୋଟଗ୍ରହଣ କରାଯିବ । ନିର୍ବାଚନରେ କଂଗ୍ରେସ ଟିକଟରେ ପ୍ରତିଦ୍ୱନ୍ଦ୍ୱିତା କରୁଥିବା ଜି.ବିବେକାନନ୍ଦ ସବୁଠୁ ଧନୀ ପ୍ରାର୍ଥୀଭାବେ ମାନ୍ୟତା ପାଇଛନ୍ତି । ତାଙ୍କ ସମ୍ପତ୍ତି ପରିମାଣ ୬୦୦ କୋଟି ଟଙ୍କା ବୋଲି ଜଣାପଡିଛି । ତାଙ୍କ ପଛକୁ ଆଉ ଜଣେ କଂଗ୍ରେସ ପ୍ରାର୍ଥୀ ରହିଛନ୍ତି । ପି.ଶ୍ରୀନିବାସ ରେଡ୍ଡିଙ୍କ ସମ୍ପତ୍ତି ପରିମାଣ ୪୬୦ କୋଟି ।
ନଭେମ୍ବର ୯ରୁ ପ୍ରାର୍ଥିପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇଥିବାବେଳେ ପ୍ରାର୍ଥୀମାନେ ଦାଖଲ କରିଥିବା ସତ୍ୟପାଠରୁ ସେମାନଙ୍କର ସମ୍ପତ୍ତି ପରିମାଣ ସମ୍ପର୍କରେ ଜଣାପଡିଛି । କଂଗ୍ରେସ ଟିକଟରେ ନିର୍ବାଚନ ଲଢୁଥିବା ଜି.ଗୋପାଳ ରେଡ୍ଡି ତାଙ୍କ ସମ୍ପତ୍ତି ପରିମାଣ ୪୫୮ କୋଟି ଦର୍ଶାଇଥିବାବେଳେ ଭାରତ ରାଷ୍ଟ୍ର ସମିତି ପ୍ରାର୍ଥୀ ପି.ଶେଖର ରେଡ୍ଡି ନିଜ ସମ୍ପତ୍ତି ପରିମାଣ ୨୨୭ କୋଟି ବୋଲି ଉଲ୍ଲେଖ କରିଛନ୍ତି ।