ଉତ୍ତର ପ୍ରଦେଶ: ଉତ୍ତର ପ୍ରଦେଶର ମୁଜାଫରନଗର ଜିଲ୍ଲାର କାକରୌଲି ଥାନା ଅଞ୍ଚଳରେ ଶନିବାର ଜଣେ ଦଳିତ ଯୁବକକୁ ଛୁରି ଭୁସି ହତ୍ୟା କରାଯାଇଛି। ତାଙ୍କ ମୃତଦେହ ଏକ ଆଖୁ କ୍ଷେତରୁ ମିଳିଛି । ମୃତଦେହରେ ଅନେକ ଛୁରି ଭୁଷା ଯାଇଥିବା କ୍ଷତ ଚିହ୍ନ ରହିଛି। ପୋଲିସ ତଦନ୍ତ ଆରମ୍ଭ କରିଛି ଏବଂ ଆକ୍ରମଣକାରୀଙ୍କୁ ଖୋଜୁଛି। ମୃତକଙ୍କ ନାମ ୨୯ ବର୍ଷୀୟ ସୋନୁ। ଶନିବାର ଦିନ କାକରୋଲି ପୋଲିସ ଷ୍ଟେସନ ଅଧୀନସ୍ଥ ଗଢ଼ି ଫିରୋଜାବାଦ ଗ୍ରାମର ଏକ ଆଖୁ କ୍ଷେତରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲା। ଅତିରିକ୍ତ ପୋଲିସ ଅଧୀକ୍ଷକ (ଗ୍ରାମୀଣ) ଆଦିତ୍ୟ ବଂଶଲ ସାମ୍ବାଦିକମାନଙ୍କୁ କହିଛନ୍ତି ଯେ ମୃତଦେହରେ ଅନେକ ଛୁରାମାଡ଼ କ୍ଷତ ଚିହ୍ନ ରହିଛି।
ଘଟଣାସ୍ଥଳରୁ ପୋଲିସ ଏକ ରକ୍ତଭିଜା ଛୁରୀ ଏବଂ ମୃତକଙ୍କ ମୋଟରସାଇକେଲ ଜବତ କରିଛି। ପୋଲିସ ଅଧିକାରୀ ବଂଶଲଙ୍କ ଅନୁଯାୟୀ, ସୋନୁ ଏକ ଫୋନ୍ ପାଇବା ପରେ ଘରୁ ବାହାରି ଯାଇଥିଲେ କିନ୍ତୁ ଆଉ ଫେରି ନଥିଲେ। ହତ୍ୟା ପଛର ଉଦ୍ଦେଶ୍ୟ ଏବଂ ଆକ୍ରମଣକାରୀଙ୍କ ପରିଚୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି। ପୋଲିସ ଅଜ୍ଞାତ ଆକ୍ରମଣକାରୀଙ୍କ ବିରୋଧରେ ମାମଲା ରୁଜୁ କରିଛି। ଏଏସ୍ପି ବଂଶଲ କହିଛନ୍ତି ଯେ ତଦନ୍ତ ଆରମ୍ଭ ହୋଇଛି ଏବଂ ଆକ୍ରମଣକାରୀଙ୍କୁ ଠାବ କରିବା ପାଇଁ ପ୍ରୟାସ ଜାରି ରହିଛି।
