ଯୁବକଙ୍କୁ ଗୁଳିମାଡ଼ ସହ ଠେଙ୍ଗାରେ ଆକ୍ରମଣ: ୫ ଆହତ

ନୂଆଦିଲ୍ଲୀ: ମଧ୍ୟପ୍ରଦେଶର ମୋରେନାରେ ଏକ ଦଳିତ ପରିବାରକୁ ତାଙ୍କ କ୍ଷେତରେ ଗୋରୁ ଚରାଇବାକୁ ଏବଂ ବାଜରା ଚାରା ଉଠାଇବାକୁ ବିରୋଧ କରିବାରୁ ଗୁଳି ଏବଂ ଠେଙ୍ଗାରେ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ଶୁକ୍ରବାର ଦିନ ରିପୋର୍ଟ ହୋଇଛି।ଏହି ଘଟଣାଟି ମୋରେନା ଜିଲ୍ଲାର ଜୌରା ବ୍ଲକର ରାଜାରାମ କାପୁରା ଗାଁରେ ଘଟିଛି ଯେଉଁଠାରେ ପରିବାରର ପାଞ୍ଚ ଜଣ ସଦସ୍ୟ ଆହତ ହୋଇଛନ୍ତି।ଏହି ଘଟଣାର ଏକ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି। ଏଥିରେ ଯୁବକମାନେ ବାଡ଼ି ଧରିଥିବାର ଦେଖାଯାଉଛି।ପୀଡିତମାନେ କହିଛନ୍ତି ଯେ ଅନେକ ଆପତ୍ତି ପରେ ମଧ୍ୟ ଅଭିଯୁକ୍ତମାନେ ସେମାନଙ୍କ କ୍ଷେତରେ ସେମାନଙ୍କ ଗାଈଗୋରୁ ଚରାଉଥିଲେ ଏବଂ ବାଜରା ଚାରା ହଟାଇ ଦେଇଥିଲେ।ପ୍ରତିବାଦରେ କ୍ରୋଧିତ ହୋଇ ଅଭିଯୁକ୍ତମାନେ ଦଳିତ ପରିବାରର ଘରେ ପହଞ୍ଚି ଅନେକ ରାଉଣ୍ଡ ଗୁଳି ଚଳାଇଥିଲେ ଏବଂ ପରେ ଠେଙ୍ଗାରେ ଆକ୍ରମଣ କରିଥିଲେ। ଏନେଇ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ପୋଲିସ ତଦନ୍ତ ଆରମ୍ଭ ଜାରି ରଖିଛି ।