ଯୁବକଙ୍କୁ ଗୁଳି କରି ହତ୍ୟା 

ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ଯୁବକଙ୍କୁ ଗୁଳି କରି ହତ୍ୟା । ଦିଲ୍ଲୀର ଶାସ୍ତ୍ରୀ ପାର୍କ ଅଞ୍ଚଳରେ ଜଣେ ଯୁବକଙ୍କୁ ଗୁଳି କରି ହତ୍ୟା କରାଯାଇଛି।  ମୃତକଙ୍କୁ ଶାସ୍ତ୍ରୀ ପାର୍କର ବୁଲନ୍ଦ ମସଜିଦ ନିବାସୀ ଆଲିମୁଦ୍ଦିନଙ୍କ ପୁଅ ସମୀର ଓରଫ ମୁସ୍ତାକିମ ଓରଫ କାମୁ ପେହଲୱାନ (୩୨ ବର୍ଷ) ବୋଲି ଚିହ୍ନଟ କରାଯାଇଛି। ପୋଲିସର ସୂଚନା ଅନୁଯାୟୀ, ଶନିବାର ବିଳମ୍ବିତ ରାତି ୧୧:୨୪ ସମୟରେ ଗୁଳିକାଣ୍ଡ ଘଟଣା ଘଟିଥିଲା। ଗୁଳିକାଣ୍ଡ ପରେ ପରିବାର ସଦସ୍ୟ ଆହତ ବ୍ୟକ୍ତିଙ୍କୁ ଡାକ୍ତରଖାନାକୁ ନେଇଯାଇଥିଲେ, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ବ ପରିବାରର ଅଭିଯୋଗ ଆଧାରରେ ଏକ ମାମଲା ରୁଜୁ କରାଯାଇଛି। ପୋଲିସ କହିଛି ଯେ ହତ୍ୟାକାଣ୍ଡରେ ସମ୍ପୃକ୍ତ ଅଭିଯୁକ୍ତଙ୍କୁ ଚିହ୍ନଟ ଏବଂ ଗିରଫ କରିବା ପାଇଁ ଅନେକ ପୋଲିସ ଦଳ ନିୟୋଜିତ କରାଯାଇଛି। ବର୍ତ୍ତମାନ ତଦନ୍ତ ଜାରି ରହିଛି। ପୋଲିସ କହିଛି ଯେ ହତ୍ୟାକାଣ୍ଡର ଅଭିଯୁକ୍ତଙ୍କୁ ଯଥାଶୀଘ୍ର ଗିରଫ କରାଯିବ।