କାଠ କାରଖାନରେ ଅଗ୍ନିକାଣ୍ଡ: ୧ ଶ୍ରମିକ ମୃତ

ବେଙ୍ଗାଲୁରୁ: ହୋସୁର-ବେଙ୍ଗାଲୁରୁ ମୁଖ୍ୟ ରାସ୍ତାରେ ଥିବା ଆଟିବେଲ ଇଣ୍ଡଷ୍ଟ୍ରିଆଲ୍ ଏରିଆର ଶ୍ରୀରାମ ଏବଂ କାଠ କାରଖାନାରେ ବ୍ୟାପକ ଅଗ୍ନିକାଣ୍ଡ ଘଟି ୨୫ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତକ ଉତ୍ତର ପ୍ରଦେଶ ର ଗୋରଖପୁରର ଗୋବିନ୍ଦ କୁମାର ବୋଲି ଜଣାପଡିଛି। ଘଟଣା ସମୟରେ ସେ କାରଖାନା ଭିତରେ ଶୋଇଥିବାର ସୂଚନା ରହିଛି । ପ୍ରାୟ ୨୫ ଶ୍ରମିକ କାରଖାନାରେ କାମ କରନ୍ତି ଏବଂ ଶେଡରେ ରୁହନ୍ତି | ନିଆଁ ଲାଗିବା ପରେ କୁମାରଙ୍କ ବ୍ୟତୀତ ସମସ୍ତେ ବାହାରକୁ ଆସିଥିଲେ। ତାଙ୍କ ମୃତଦେହ କାଠ ପ୍ରେସିଂ ମେସିନ୍ ନିକଟରେ ମିଳିଥିଲା। କାରଖାନା ମାଲିକ ହର୍ଷଦ ପଟେଲ ପୋଲିସକୁ କହିଛନ୍ତି ଯେ ସକାଳ ପ୍ରାୟ ୩ .୩୦ ସମୟରେ ନିଆଁ ଲାଗିଯାଇଥିଲା। ସକାଳ ୩ .୫୨ ରେ ଅଗ୍ନିଶମ ବିଭାଗ ସେମାନଙ୍କ କଣ୍ଟ୍ରୋଲ ରୁମକୁ କଲ କରାଯାଇଥିଲା । ପ୍ରାୟ ପାଞ୍ଚ ଘଣ୍ଟା ପରେ ନିଆଁକୁ ଆୟତ୍ତ କରାଯାଇଥିଲା। ଏହି ଘଟଣାରେ କାଠ ଷ୍ଟାକ୍, ମେସିନ୍ ଏବଂ ଅନ୍ୟାନ୍ୟ ସାମଗ୍ରୀ ସମ୍ପୂର୍ଣ୍ଣ ଭାବେ ଜଳି ଯାଇଛି । ଅଗ୍ନିକାଣ୍ଡର ପ୍ରକୃତ କାରଣ ଏପର୍ଯ୍ୟନ୍ତ ଜଣା ପଡି ନ ଥିବା ବେଳେ, ବିଦ୍ୟୁତ ସର୍ଟସର୍କିଟ ରୁ ନିଆଁ ଲାଗିଥିବାର ସନ୍ଦେହ କରାଯାଉଛି। ଏହାର କ୍ଷତି ପ୍ରାୟ ୫ କୋଟି ଟଙ୍କା ହେବ ବୋଲି ଆକଳନ କରାଯାଇଛି।