ମହିଳା ଆଇସିସି ଟି-୨୦ ବିଶ୍ୱକପ୍‌ ୨୦୨୪ : ଟିମ୍ ଇଣ୍ତିଆ ସମର୍ଥନରେ ଆଲିଆ ଭଟ୍ଟ

ନୂଆଦିଲ୍ଲୀ :ଅକ୍ଟୋବର ୩ରୁ ୟୁଏଇରେ ମହିଳା ଟି- ୨୦ ବିଶ୍ୱକପ ଆରମ୍ଭ ହେବ । ଦୁବାଇ ଏବଂ ଶାରଜାହ ଷ୍ଟାଡିୟମରେ ସମସ୍ତ ମ୍ୟାଚ୍ ଖେଳାଯିବ । ବିଶ୍ୱକପରେ ୧୦ଟି ଟିମ୍‌ ଖେଳୁଥିବା ବେଳେ ମୋଟ୍ ୨୩ଟି ମ୍ୟାଚ୍‌ ଖେଳାଯିବ ।  ହରମନପ୍ରୀତ କୌରଙ୍କ ନେତୃତ୍ୱରେ ଭାରତୀୟ ଦଳ ଟି -୨୦ ବିଶ୍ୱକପ ଖେଳିବା ପାଇଁ ଯାଉଛି । ମହିଳା ଟି -୨୦ ବିଶ୍ୱକପ ପାଇଁ ଭାରତୀୟ କ୍ରିକେଟ୍ ପ୍ରଶଂସକଙ୍କ ମଧ୍ୟରେ ଆଶ୍ଚର୍ୟ୍ୟଜନକ ଉତ୍ସାହ ଦେଖିବାକୁ ମିଳୁଛି। ଟିମ୍ ଇଣ୍ଡିଆର ପ୍ରଶଂସକମାନେ ଆଶା କରୁଛନ୍ତି ଯେ ହରମାନପ୍ରୀତ କୌରଙ୍କ ଦ୍ୱାରା ପରିଚାଳିତ ଭାରତୀୟ ଦଳ ପ୍ରଥମ ଥର ପାଇଁ ଟି -୨୦ ବିଶ୍ୱକପ ଟାଇଟଲ ଜିତିପାରେ । ଗତ ଟି -୨୦ ବିଶ୍ୱକପ ଫାଇନାଲରେ ଭାରତୀୟ ଦଳକୁ ଅଷ୍ଟ୍ରେଲିଆ ବିପକ୍ଷରେ ପରାଜୟର ସମ୍ମୁଖୀନ ହେବାକୁ ପଡିଥିଲା। ତେବେ ବଲିଉଡ ଅଭିନେତ୍ରୀ ଆଲିଆ ଭଟ୍ଟଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଆଲିଆ ଭଟ୍ଟ ଟିମ୍ ଇଣ୍ଡିଆକୁ ସପୋର୍ଟ କରୁଥିବାର ନଜର ଆସୁଛନ୍ତି। ମହିଳା ଟି-୨୦ ୱାର୍ଲ୍ଡର ଅଫିସିଆଲ୍ ପ୍ରସାରଣକାରୀ ଷ୍ଟାର୍ ସ୍ପୋର୍ଟସ୍ ଆଲିଆ ଭଟ୍ଟଙ୍କ ଭିଡିଓ ସେୟାର କରିଛନ୍ତି। ଏହି ଭିଡିଓରେ ଆଲିଆ ଭଟ୍ଟ କହୁଛନ୍ତି ଯେ ସେ ମ୍ୟାଚ୍ ଦେଖିବାକୁ ଚାହୁଁଛନ୍ତି, ବ୍ୟସ୍ତ ହୁଅନ୍ତୁ ନାହିଁ … ଯେତେବେଳେ ଆମର ୱିମେନ ଇନ ବ୍ଲୁ ଦେଶ ପାଇଁ ଛିଡା ହୁଅନ୍ତି, ଏହା ଏକ ବିଶେଷ ମୁହୂର୍ତ୍ତ। ସୋସିଆଲ ମିଡିଆରେ ଆଲିଆ ଭଟ୍ଟଙ୍କ ଭିଡିଓ ଦିନକୁ ଦିନ ଭାଇରାଲ ହେବାରେ ଲାଗିଛି। ସୋସିଆଲ ମିଡିଆ ୟୁଜର୍ସ ଲଗାତାର ଏହି ଭିଡିଓରେ କମେଣ୍ଟ ଦେଉଖିବାର ନଜର ଆସୁଛି । ଏହି ପୋଷ୍ଟର କ୍ୟାପସନରେ ଲେଖାଯାଇଛି – ଆଲିଆ ଭଟ୍ଟଙ୍କ ଯୋଗଦାନ ଦେବା ସହ ପ୍ରଶଂସକଙ୍କ ଉତ୍ସାହ ବଢିବ । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ଟି -୨୦ ବିଶ୍ୱକପ୍ ୩ ଅକ୍ଟୋବରରୁ ଆରମ୍ଭ ହେଉଛି । ଏଥି ସହିତ ହରମାନପ୍ରୀତ କୌରଙ୍କ ନେତୃତ୍ୱରେ ଭାରତୀୟ ଦଳ ନ୍ୟୁଜିଲ୍ୟାଣ୍ଡ ବିପକ୍ଷ ବିଶ୍ୱକପ ଅଭିଯାନ ଆରମ୍ଭ କରିବ। ଅକ୍ଟୋବର ୪ ରେ ଭାରତ ଏବଂ ନ୍ୟୁଜିଲ୍ୟାଣ୍ଡର ଦଳ ମୁହାଁମୁହିଁ ହେବେ। ଦୁଇ ଦଳ ମଧ୍ୟରେ ମ୍ୟାଚ୍ ଭାରତୀୟ ସମୟ ସନ୍ଧ୍ୟା ୭ ଟାରୁ ଆରମ୍ଭ ହେବ । ଷ୍ଟାର୍ ସ୍ପୋର୍ଟସ୍ ନେଟୱାର୍କ ବ୍ୟତୀତ ଭାରତୀୟ ପ୍ରଶଂସକମାନେ ଏହାକୁ ଡିସ୍ନି ପ୍ଲସ୍ ହଟଷ୍ଟାରରେ ଦେଖିପାରିବେ ।