ପୋଜ ଦେଉଥିବା ସମୟରେ ଗଙ୍ଗା ନଦୀରେ ବୁଡ଼ିଗଲେ ମହିଳା

ନୂଆଦିଲ୍ଲୀ: ସୋସିଆଲ ମିଡିଆରେ ଲୋକପ୍ରିୟ ହେବା ପାଇଁ  ଅନେକ ଯୁବକ ଯୁବତୀ ରିଲ୍ସ କରିଥାନ୍ତି , କେହି କେହି ଚଳନ୍ତା ଟ୍ରେନରେ ନିଜ ଜୀବନକୁ ବିପଦରେ ପକାଇ ରିସ୍କ ନିଅନ୍ତି ।  ଏଭଳି ଏକ ଦୁର୍ଭାଗ୍ୟଜନକ ଭିଡିଓ  ସୋସିଆଲ ମିଡିଆରେ ଘୁରି ବୁଲୁଛି । ଯେଉଁଥିରେ ରିଲ୍ସ କରିବାକୁ ଯାଇ ମହିଳା  ଜଣଙ୍କ ଗଙ୍ଗା ନଦୀରେ ଭାସିଯାଉଛନ୍ତି ।  ଘଟଣାଟି ଏପ୍ରିଲ ୧୨ ତାରିଖର । ମହିଳା ଏବଂ ତାଙ୍କ  ପରିବାର ଉତ୍ତରାଖଣ୍ଡର ଉତ୍ତରକାଶୀ ବୁଲିବାକୁ ଯାଇଥିଲେ । ମହିଳାଜଣଙ୍କ ମଣିକର୍ଣିକା ଘାଟ ନିକଟରେ  ରିଲ ଭିଡିଓ ସୁଟିଂ କରୁଥିବା ବେଳେ  ଏଭଳି ଘଟଣା ଘଟିଛି ।  ଏହି ଭିଡିଓ ବର୍ତ୍ତମାନ ଇଣ୍ଟରନେଟରେ  ଘୁରି  ବୁଲୁଛି । ମହିଳା ଜଣଙ୍କ ନଦୀରେ ଛିଡା ହୋଇ ଫଟୋ ପାଇଁ ପୋଜ ଦେଉଥିଲେ । ସେହି ସମୟରେ ନିଜକୁ ନିୟନ୍ତ୍ରଣ କରି ନପାରି ପାଣିର ସ୍ରୋତରେ  ଭାସିଯାଇଥିଲେ । ଯାହା ଫଳରେ ସେ ପାଣିରେ ବୁଡି ଯାଇ ତାଙ୍କ ମୃତ୍ୟୁ ହୋଇଥିଲା । ବୟସ ପାଖାପାଖି ୨୦ରୁ ୨୫ ବର୍ଷ ବୋଲି ଅନୁମାନ କରାଯାଉଛି । ଏବେ ଏହି ଭିଡିଓ ଚର୍ଚ୍ଚାର ବିଷୟ ପାଲଟିଛି ।  ଭିଡିଓଟି ଯେତେବେଳେ  ସେୟାର କରାଯାଇଥିଲା ୬୬,୦୦୦ରୁ ଅଧିକ ଭ୍ୟୁ ପାଇଥିଲା । ଏହି ଭିଡିଓ ଦେଖିବା ପରେ କେହି କେହି ଲାଇ , ସେୟାର କରିବା ସହ କ୍ଷୋଭ ପ୍ରକାଶ କରିଛନ୍ତି । କହିଛନ୍ତି , ରିଲ୍ସ ପାଇଁ  ମାଆ ଟି ତା  ଝିଅକୁ  ହରାଇଲା ।