ନୂଆଦିଲ୍ଲୀ: ବର୍ତ୍ତମାନ ସୋସିଆଲ ମିଡିଆ ଯୁଗରେ, ଚିଠିର ଧାରା ପ୍ରାୟ ଅବହେଳିତ ହୋଇପଡିଛି, ଯଦିଓ ପୂର୍ବ ସମୟରେ ଲୋକମାନେ କେବଳ ଚିଠି ମାଧ୍ୟମରେ ହିଁ ପରସ୍ପରର ଅବସ୍ଥା ବିଷୟରେ ଜାଣି ପାରୁଥିଲେ । ପୂର୍ବ ଯୋଗରେ ଲୋକମାନେ ପରସ୍ପରକୁ ସୂଚନା ଦେବା ତଥା ଯୋଗାଯୋଗ କରିବା ପାଇଁ ଚିଠି ଏକମାତ୍ର ଆଧାର ଥିଲା, ଯାହାକି ବେଳେବେଳେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ପହଞ୍ଚିବା ପାଇଁ ସପ୍ତାହ କିମ୍ବା ବର୍ଷ ବର୍ଷ ସମୟ ନେଇଥାଏ। କିନ୍ତୁ ବର୍ତ୍ତମାନ ସୋସିଆଲ ମିଡିଆ ପ୍ଲାଟଫର୍ମ ଚିଠିର ସ୍ଥାନ ନେଇଯାଇଛି । ଆଜିକାଲି ଚିଠି ଲେଖା ବହୁତ ମାତ୍ରାରେ କମିଗଲାଣି । ଏଭଳି ପରିସ୍ଥିତିରେ, ଆପଣ କେବେ ଚିନ୍ତା କରିଛନ୍ତି କି ଦୁନିଆରେ ପ୍ରଥମ ଥର ପାଇଁ ଏକ ଚିଠି କେବେ ଲେଖା ହୋଇଥିଲା ? ଯଦି ନୁହେଁ ତେବେ ଆଜି ଆମେ ଆପଣଙ୍କୁ ଜଣାଇବୁ ଯେ କେବେ ଲେଖା ହୋଇଥିଲା ଦୁନିଆର ପ୍ରଥମ ଚିଠି ।
ଆପଣଙ୍କୁ କହି ରଖୁଛୁ ଯେ ଦୁନିଆରେ ପ୍ରଥମ ଥର ପାଇଁ ଚିଠି ଲେଖିବାର କୌଣସି ଲିଖିତ ପ୍ରମାଣ ନାହିଁ, କିନ୍ତୁ ପ୍ରାଚୀନ ଐତିହାସିକ ହେଲେନିକସଙ୍କ ଅନୁଯାୟୀ ବିଶ୍ୱର ପ୍ରଥମ ଚିଠି ଖ୍ରୀଷ୍ଟପୂର୍ବ ୫୦୦ ମସିହାରେ ଲେଖାଯାଇଥିଲା । ଯାହାକୁ ପାରସ୍ୟ ରାଣୀ ଆଟୋନିସା ପଠାଇଥିଲେ । ଆଟୋନିସା ମାତ୍ର ୨୮ ବର୍ଷ ବୟସରେ ରାଣୀ ହୋଇଥିଲେ । ସେ ପ୍ରଥମ ଥର ପାଇଁ ଚିଠି ପଠାଇବା ପରେ, ବାର୍ତ୍ତା ପଠାଇବାର ଏହି ପଦ୍ଧତିର ଲୋକପ୍ରିୟତା ବହୁତ ମାତ୍ରାରେ ବୃଦ୍ଧି ପାଇଲା । ଏହା ପରେ, ଲୋକମାନେ ମଧ୍ୟ ରାଣୀଙ୍କୁ ଅନୁସରଣ କରି ବାର୍ତ୍ତା ପଠାଇବା ପାଇଁ ସାକ୍ଷର ମଧ୍ୟ ହେବାକୁ ଚାହୁଁଥିଲେ। ହଜାର ହଜାର ବର୍ଷ ଧରି ଚିଠିଗୁଡ଼ିକ ଇତିହାସରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଆସୁଛି । ଯଦିଓ ଏବେ ସୋସିଆଲ ମିଡ଼ିଆ ଚିଠିର ସ୍ଥାନ ନେଇଯାଇଛି ତଥାପି ହାତ ଲେଖା ଚିଠିର ସବୁବେଳେ ହୃଦୟର ନିକଟବର୍ତ୍ତୀ ହୋଇ ରହିବ ।
