ଟ୍ରକ୍‌କୁ ପିଟିଲା ଭ୍ୟାନ୍: ଏସଓଜିର ୭ କର୍ମଚାରୀ ଗୁରୁତର

ଅନୁଗୁଳ: ଅନୁଗୁଳ ଜିଲ୍ଲା  ୫୫ ନଂ ଜାତୀୟ ରାଜପଥ ମୁଣ୍ଡାସାହି ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଆଜି ଭୋର ସକାଳ ସାଢେ  ଚାରିଟାରେ ହୋଇଥିବା ଜଣାପଡିଛି ।  ଗୋଟିଏ ଟ୍ରାଭେଲରରେ ଏସଓଜିର ୧୪ ଜଣ କର୍ମଚାରୀ  ଝାରସୁଗୁଡାରୁ ଚନ୍ଦକା ଅଭିମୁଖେ  ଯାଉଥିବା ବେଳେ  ଏକ ଟ୍ରଲରରେ ବାଡେଇ ହୋଇଛି ଫଳରେ ୭ ଜଣ ଗୁରୁତର ଥିବା ବେଳେ ୭ ଜଣ ଆହତ ହୋଇଛନ୍ତି । ସମସ୍ତଙ୍କୁ ଉଦ୍ଧାର କରାଯାଇଛି ।  କିଛି ଲୋକ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ବେଳେ ଗୁରୁତରଙ୍କୁ କଟକ ସ୍ଥାନାନ୍ତର କରାଯାଇଛି ।  ଦ୍ୱିତୀୟ ଓଏସପିର ୧୪ ଜଣ ଏସଓଜି ଟ୍ରେନିଂ ପାଇଁ ଯାଉଥିଲେ ବୋଲି  ସୂଚନା ମିଳିଛି ।