ପରିସ୍ରା ପିଆଇବା ଘଟଣା: ପିଅନ ଗିରଫ

ଭୁବନେଶ୍ୱର: ପରିସ୍ରା ପିଆଇବା ଘଟଣାରେ  ପିଅନ ଗିରଫ ।   ମୋହନା  ଆରଡବ୍ଲ୍ୟୁ  ଏସଏସ ଯନ୍ତ୍ରୀଙ୍କୁ ପରିସ୍ରା  ପିଆଇବା ମାମଲାରେ ପିଅନ ଶିବ ନାୟକ ଗିରଫ ।   ପିଅନ ନିଜର  ବରିଷ୍ଠ ଅଧିକାରୀଙ୍କୁ  ପାଣି ବଦଳରେ ପରିସ୍ରା ପିଆଇ ଦେଇଥିବା ଭଳି  ସାଙ୍ଘାତିକ ଅବିଯୋଗ ହୋଇଥିଲା ।  ଗଜପତି ଜିଲ୍ଲା ଆର. ଉଦୟଗିରିସ୍ଥିତ ସହକାରୀ ନିର୍ୱାହୀ ଯନ୍ତ୍ରୀ ଗୁରୁପ୍ରସାଦ ପଟ୍ଟନାୟକ ଏନେଇ ଥାନାରେ ଲିଖିତ ଅଭିଯୋଗ କରିବା ପରେ କାଯ୍ୟାନୁଷ୍ଠାନ ନିଆଯାଇଛି ।  ଯନ୍ତ୍ରୀଙ୍କ ଅଭିଯୋଗ ଅନୁସାରେ  ଗତ ଜୁଲାଇ ୨୩ ତାରିଖ ରାତିରେ ସେ କାଯ୍ୟାଳୟରେ କାମ କରୁଥିବା ବେଳେ ପିଅନଙ୍କୁ ପିଇବା ପାଇଁ ପାଣି ମାଗିଥିଲେ ।  କିନ୍ତୁ ଅଭିଯୁକ୍ତ ଜଣଙ୍କ  ପାଣି ବୋତଲରେ   ପରିସ୍ରା ଭର୍ତ୍ତି କରି ପିଇବାକୁ ଦେଇଥିଲେ ।   ପିଇବା ପରେ ସେ ଅସୁସ୍ଥ ଅନୁଭବ କରିଥିଲେ । ତାଙ୍କୁ ତୁରନ୍ତ ଚିକିତ୍ସା ପାଇଁ  ବ୍ରହ୍ମପୁର ମେଡିକାଲରେ ଭର୍ତ୍ତି କରାଯାଇଥିଲା । ମେଡିକାଲରୁ ସୁସ୍ଥ ହୋଇ  ଫେରିବା ପରେ ଯନ୍ତ୍ରୀ  ଆର. ଉଦୟଗିରି ଥାନାରେ ଅଭିଯୁକ୍ତ ପିଅନଙ୍କ ବିରୋଧରେ ଲିଖିତ ଅଭିଯୋଗ କରିଥିଲେ ।