ଉପର ମୁହାଁ ପାରଦ : ବଢୁଛି ତାତି

ଭୁବନେଶ୍ୱର : ଫେବୃଆରୀ ଆରମ୍ଭରୁ ଲଗାତାର  ଉପରମୁହାଁ ହେଉଛି ପାରଦ ।  ସପ୍ତାହେରୁ ଅଧିକ ସମୟ ହେଲା  ତାତି ବଢିଥିବା ବେଳେ ୩୬ ଡିଗ୍ରୀ ଛୁଇଁଲାଣି ପାରଦ । ଗତକାଲି ୧୦ଟି ସହରରେ  ୩୫ ଡିଗ୍ରୀ ଉପରେ ଥିଲା ପାରଦ । ମାଲକାନଗିରି ବଲାଙ୍ଗୀରରେ  ସର୍ୱାଧିକ ୩୬ ଡିିଗ୍ରୀ ତାପମାତ୍ରା ରେକର୍ଡ କରାଯାଇଛି । ସମ୍ବଲପୁର , ଝାରସୁଗୁଡା, ସୁନ୍ଦରଗଡରେ  ୩୫ . ୯ ଡିଗ୍ରୀ ତାପମାତ୍ରା  ରେକର୍ଡ କରାଯାଇଛି ।  ସେହିପରି ହୀରାକୁଦ , ଭବାନୀପାଟଣାରେ  ୩୫ . ୫ ଡିଗ୍ରୀ ତାପମାତ୍ରା  ରେକର୍ଡ କରାଯାଇଛି ।  ଓଡିଶା ଉପକୁଳ ସମେତ ବଙ୍ଗୋପ ସାଗର ଅଞ୍ଚଳରେ  ୧ ଲଘୁଚାପ ବଳୟ ସକ୍ରିୟ ରହୁଥିବାରୁ  ଉପକୁଳ ଓଡିଶାରେ କ୍ରମାଗତ ଭାବେ ଘନକୁହୁଡି ଦୃଶ୍ୟମାନ  ହେଉଥିବା ପାଣିପାଗ ବିଭାଗ ସୂଚନା ଦେଇଛନ୍ତି ।