ଜମ୍ମୁ-କଶ୍ମୀର : ସୁରକ୍ଷାବାହିନୀଙ୍କ ଏନ୍କାଉଣ୍ଟରେ ଦୁଇ ଆତଙ୍କବାଦୀ ସଫା। ବୁଧବାର ଜମ୍ମୁ-କଶ୍ମୀରର ଡୋଡା ଜିଲ୍ଲାର ଏକ ଜଙ୍ଗଲରେ ସୁରକ୍ଷାବାହିନୀ ଓ ଆଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ଏହି ଏନ୍କାଉଣ୍ଟରେ ଦୁଇ ଆତଙ୍କବାଦୀ ନିହତ ହୋଇଥିବା ସୂଚନା ମିଳିଛି। ଜୁନ୍ ୧୧ ତାରିଖରେ, ଆତଙ୍କବାଦୀମାନେ ଚଟ୍ଟରଗାଲାଠାରେ ମିଳିତ ଚେକ୍ ପୋଷ୍ଟ ଉପରେ ଆକ୍ରମଣ କରିଥିବା ବେଳେ ୬ ଜଣ ସୁରକ୍ଷାକର୍ମୀ ଆହତ ହୋଇଥିଲେ। ପରଦିନ ଗାନ୍ଧୋ ଅଞ୍ଚଳର କୋଟା ଶୀର୍ଷରେ ଆତଙ୍କବାଦୀଙ୍କ ସହିତ ଗୁଳି ବିନିମୟରେ ଜଣେ ପୁଲିସ କର୍ମଚାରୀ ଆହତ ହୋଇଥିଲେ। ଏହି ଯୁଗ୍ମ ଆକ୍ରମଣ ପରେ ସୁରକ୍ଷା ବାହିନୀ ଆତଙ୍କବାଦ ବିରୋଧୀ କାର୍ଯ୍ୟକୁ ଆହୁରି ଜୋରଦାର କରି ଜିଲ୍ଲାରେ ଅନୁପ୍ରବେଶ କରିଥିବା ଚାରିଜଣ ପାକିସ୍ତାନୀ ଆତଙ୍କବାଦୀଙ୍କ ପାଇଁ ପ୍ରତ୍ୟେକଙ୍କୁ ୫ ଲକ୍ଷ ଟଙ୍କା ପୁରସ୍କାର ଘୋଷଣା କରିଥିଲେ। ସୁରକ୍ଷା ବାହିନୀର ସହାୟତାରେ ପୁଲିସ ସିନୋ ପଞ୍ଚାୟତ ଗାଁରେ ଅପରେସନ୍ ଆରମ୍ଭ କରିଥିଲା କିନ୍ତୁ ଲୁଚି ରହିଥିବା ଆତଙ୍କବାଦୀମାନେ ଗୁଳି ଜାଳନା ଆରମ୍ଭ କରି ଦେଇଥିଲେ। ଶେଷ ରିପୋର୍ଟ ପର୍ଯ୍ୟନ୍ତ ଗୁଳି ବିନିମୟ ଜାରି ରହିଥିଲା।