କାର ଧକ୍କାରେ ଦୁଇ ଭକ୍ତଙ୍କ ମୃତ୍ୟୁ

ମଧ୍ୟପ୍ରଦେଶ: ମଧ୍ୟପ୍ରଦେଶର ରାଇସେନ ଜିଲ୍ଲାରେ ଶନିବାର ଏକ ଦ୍ରୁତଗାମୀ ମଲ୍ଟି ୟୁଟିଲିଟି ଯାନ ଧକ୍କା ଦେବାରୁ ଜଣେ ୮ ବର୍ଷର ବାଳକ ସମେତ ଦୁଇ ଜଣଙ୍କର ମୃତ୍ୟୁ ହୋଇଥିବା ଏବଂ ଅନ୍ୟ ଛଅ ଜଣ ଆହତ ହୋଇଥିବା ଜଣେ ପୋଲିସ ଅଧିକାରୀ କହିଛନ୍ତି। ଜିଲ୍ଲା ମୁଖ୍ୟାଳୟରୁ ପ୍ରାୟ ଆଠ କିଲୋମିଟର ଦୂରରେ ଥିବା ଅମରାୱାଦ ଘାଟିରେ ଆଜି ସକାଳେ ଏହି ଘଟଣା ଘଟିଛି, ଅତିରିକ୍ତ ପୋଲିସ ଅଧୀକ୍ଷକ କମଲେଶ ଖାରପୁସେ କହିଛନ୍ତି। “ଖଣ୍ଡେରା ଗାଁର ଏକ ମନ୍ଦିରକୁ ଯାଉଥିବା ଭକ୍ତଙ୍କ ଏକ ଦଳ ରାସ୍ତାରେ ଚାଲିଯାଉଥିବା ବେଳେ ଭୋପାଳରୁ ସାଗର ଯାଉଥିବା ଏକ ଦ୍ରୁତଗାମୀ ଗାଡ଼ି ସେମାନଙ୍କୁ ଧକ୍କା ଦେଇଥିଲା। ମୃତକଙ୍କ ନାମ ପବନ ଚଢାର (୮) ଏବଂ ରାଜେନ୍ଦ୍ର ଚଢାର (୪୫)। ଆହତ ଛଅ ଜଣଙ୍କ ମଧ୍ୟରେ ଦୁଇଜଣ ନାବାଳକ ଏବଂ ତିନି ଜଣ ମହିଳା ଅଛନ୍ତି। ସେମାନଙ୍କୁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି,” ସେ କହିଛନ୍ତି। ଘଟଣା ସହିତ ଜଡିତ ଗାଡ଼ିକୁ ସୁଲତାନପୁରରେ ଅଟକାଯାଇଥିଲା ଏବଂ ଘଟଣାସ୍ଥଳରୁ ପଳାଇଯାଇଥିବା ଡ୍ରାୟରକୁ ଧରିବା ପାଇଁ ପ୍ରୟାସ ଜାରି ରହିଛି, ଅଧିକାରୀ ଜଣକ କହିଛନ୍ତି।