ବିମାନ ଦୁର୍ଘଟଣାରେ ତୁର୍କୀ ବାୟୁସେନାର ପାଇଲଟଙ୍କ ମୃତ୍ୟୁ

ନୂଆଦିଲ୍ଲୀ: ଉଡ଼ାଣ ଆରମ୍ଭ କରିବାର ୬ ମିନିଟ୍ ମଧ୍ୟରେ F-୧୬ ବିମାନ ଦୁର୍ଘଟଣାଗ୍ରସ୍ତ ।ବୁଧବାର ସକାଳେ ପଶ୍ଚିମ ତୁର୍କୀର ଏକ ରାଜପଥ ନିକଟରେ ଏକ ତୁର୍କୀ ବାୟୁସେନା ଜେନେରାଲ ଡାଇନାମିକ୍ସ- ଏଫ-୧୬ ଫାଇଟିଂ ଫାଲକନ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଯେଉଁଥିରେ ପାଇଲଟଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଏନେଇ ପ୍ରତିରକ୍ଷା ମନ୍ତ୍ରାଳୟ କହିଛି ଯେ, ବିମାନଟି ବାଲିକେସି ପ୍ରଦେଶର ୯ମ ମୁଖ୍ୟ ଜେଟ ଘାଟିରୁ ଉଡାଣ ଆରମ୍ଭ କରିଥିଲା ହେଲେ ପରେ ମଧ୍ୟରାତ୍ରିରେ ରେଡିଓ ଏବଂ ରାଡାର ଯୋଗାଯୋଗ ହରାଇଥିଲା । ସୂଚନା ପାଇ ଘଟଣାସ୍ଥଳରେ ଫରେନସିକ ଟିମ ଏବଂ ଉଦ୍ଧାର ବାହିନୀ ଦଳ, ଅଗ୍ନିଶମ କର୍ମଚାରୀ, ଡାକ୍ତରୀଦଳ ପହଞ୍ଚିଥିଲେ । ଉଦ୍ଧାର ବାହିନୀ ଦଳ ପହଞ୍ଚି ଉଦ୍ଧାର କାର୍ଯ୍ୟ କରିବା ସହ ବିମାନର ଭଗ୍ନାବଶଷକୁ ଠାବ କରିଥିଲେ । ତେବେ ଦୁର୍ଘଟଣାର କାରଣ ଜାଣିବା ପାଇଁ ସ୍ୱତନ୍ତ୍ର ଟିମ ଗଠନ କରାଯାଇଛି । ତୁର୍କୀର ରାଷ୍ଟ୍ରପତି, ପ୍ରତିରକ୍ଷା ମନ୍ତ୍ରୀ ଏବଂ ଅନ୍ୟାନ୍ୟ ଅଧିକାରୀମାନେ ମୃତ ପାଇଲଟଙ୍କ ପରିବାର ପ୍ରତି ସମବେଦନା ପ୍ରକାଶ କରିଛନ୍ତି। ଏହି ଘଟଣା ସାମ୍ପ୍ରତିକ ବର୍ଷଗୁଡ଼ିକରେ ତୁର୍କୀ ବାୟୁସେନା ପାଇଁ ଆଉ ଏକ ଦୁଃଖଦ ଦୁର୍ଘଟଣା।