ବାଇକ୍‌କୁ ଧକ୍କା ଦେଲା ଟ୍ରକ୍‌: ୨ ମୃତ

ଉତ୍ତର ପ୍ରଦେଶ: ଉତ୍ତର ପ୍ରଦେଶରେ ଭୟଙ୍କର ସଡକ ଦୁର୍ଘଟଣା । ବାଇକ୍‌କୁ ଧକ୍କା ଦେଇଛି ଦ୍ରୁତଗାମୀ ଟ୍ରକ । ଏହି ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ ଘଟିଛି । ଉତ୍ତର ପ୍ରଦେଶର ବାରବାଙ୍କି ଜିଲ୍ଲାର ଦେବା ଥାନା ଅଞ୍ଚଳର ଚିନହାଟି ରାସ୍ତାରେ ରବିବାର ଏହି ଦୁର୍ଘଟଣା ଘଟିଛି । ମୃତ ଦୁଇ ଜଣଙ୍କୁ ଛାତ୍ର ଆୟୁଷ ଯାଦବ (୨୦) ଏବଂ ତାଙ୍କ ଜେଜେବାପା ରାମସ୍ୱରୂପ (୫୯) ବୋଲି ଚିହ୍ନଟ କରାଯାଇଛି । ଆୟୁଷ ଲକ୍ଷ୍ନୌର ଗୋମତୀ ନଗର ଥାନା ଅଞ୍ଚଳର ଗୁଲାମ ହୁସେନ ପୂର୍ବାର ତୃତୀୟ ବର୍ଷର ସ୍ନାତକ ଛାତ୍ର । ସେ ରବିବାର ଦିନ ପରୀକ୍ଷା ଦେବା ପାଇଁ ତହସିଲ ଫତେହଲ-ବେଲହାରା ରୋଡରେ ଥିବା ସାଇ ପିଜି କଲେଜକୁ ଯାଇଥିଲେ । ପରୀକ୍ଷା ସାରି ଆୟୁଷ ତାଙ୍କ ଜେଜେବାପାଙ୍କ ସହ ବାଇକ୍ ଯୋଗେ ଘରକୁ ଫେରୁଥିଲେ । ଚିହ୍ନାଟ-ଦେବ ରୋଡର ବରେ୍‌ଥି ଛକ ନିକଟରେ, ବିପରୀତ ଦିଗରୁ ଆସୁଥିବା ଏକ ଦ୍ରୁତଗାମୀ ଡିସିଏମ ଟ୍ରକ ସେମାନଙ୍କୁ ଧକ୍କା ଦେଇଥିଲା । ଧକ୍କା ଏତେ ଜୋର ଥିଲା ଯେ ଉଭୟ ଗୁରୁତର ଆହତ ହୋଇଥିଲେ । ସ୍ଥାନୀୟ ବାସିନ୍ଦା ତାଙ୍କୁ ତୁରନ୍ତ ଜିଲ୍ଲା ହସ୍ପିଟାଲକୁ ନେଇଯାଇଥିଲେ । କିନ୍ତୁ ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ । ଦୁର୍ଘଟଣା ପରେ ଡିସିଏମ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଥିବା ସୂଚନା ମିଳିଛି । ତେବେ ଘଟଣା ସମ୍ପର୍କରେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଡିସିଏମକୁ ନିଜ ହେପାଜତକୁ ନେଇ ତଦନ୍ତ ଆରମ୍ଭ କରିଛି ।