ବିନା ଆଲୁଅରେ ଚାଲିଲା ଚିକିତ୍ସା

ଭଦ୍ରକ: ବିନା ଆଲୁଅରେ ଚାଲିଲା ଚିକିତ୍ସା । ଗତକାଲି ପ୍ରବଳ ବର୍ଷାର ପ୍ରଭାବରେ ଲାଇନ କଟିଯିବାରୁ   ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଏଭଳି ଅବ୍ୟବସ୍ଥା  ଦେଖିବାକୁ ମିଳିଥିଲା ।  ଅନ୍ଧାରରେ  କେଉଁ ଡାକ୍ତର ରୋଗୀ ଦେଖିଲେ ତ ଆଉ କେତେ ଡାକ୍ତର ବାହାରେ ବୁଲୁଥିଲେ ।  ଭଦ୍ରକ ଜିଲ୍ଲା ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ସ୍ୱାସ୍ଥ୍ୟ ସେବାର ଏଭଳି ଅବିକଳ ଚିତ୍ର  ସାମନାକୁ ଆସିଛି । ବିଦ୍ୟୁତ ଚାଲିଯିବାରୁ ଅନ୍ଧାରି ଚିକିତ୍ସା ଚାଲିଥିଲା । ବିଦ୍ୟୁତ ନ ଥିବାରୁ ଓପିଡ଼ି ଚିକିତ୍ସା ବନ୍ଦ ରହିଥିଲା । ଲ୍ୟାବରେ ବି  ମୋବାଇଲ ଭରସା। ସଠିକ୍ ଭାବେ ଚିକିତ୍ସା ନପାଇ ରୋଗୀ ହନ୍ତସନ୍ତ ହେଉଛନ୍ତି । ନିର୍ବାଚନ ପୂର୍ବରୁ ପୂର୍ବ ସରକାର ହସ୍ପିଟାଲ ନାଁରେ ୩କୋଟି ଟଙ୍କା ଖର୍ଚ୍ଚ କରି ନବୀକରଣ କରିଥିଲେ । ହେଲେ ଏବେ ବି ବିଭିନ୍ନ ସମସ୍ୟା ଦେଖିବାକୁ ମିଳିଛି ମେଡିକାଲରେ ।