ଠାକୁରାଣୀ ମନ୍ଦିରରୁ ଚୋରି

ବ୍ୟୁରୋ : କଟକ ଜିଲ୍ଲା ବାରଙ୍ଗ ଥାନା ଅନ୍ତର୍ଗତ  ଜୟପୁର ଗାଁରେ ଥିବା  ବାଣ ବାଁଆରେଇ  ମନ୍ଦିରରେ   ରାତି ଅଧରେ ଚୋର  କଳାକନା ବୁଲାଇ ଚାଲିଯାଇଛି  । ଏନେଇ ମନ୍ଦିର ପୂଜକ ଥାନାରେ ଅଭିଯୋଗ କରିଛନ୍ତି । ଗତକାଲି ବିଳମ୍ବିତ ରାତିରେ ଚୋରମାନେ ମନ୍ଦିରର ତାଲାଭାଙ୍ଗି  ମା,ଙ୍କ ଚାନ୍ଦି ମୁକୁଟ , ହାର ଓ ସୁନା ଆଖି  ଚୋରି କରି ନେଇଥିଲା । ଆଜି ସକାଳେ ମନ୍ଦିର ପୂଜକ ମନ୍ଦିର ଖୋଲି ଦେଖିଲା ବେଳକୁ ତାଲା ଭଙ୍ଗା ହୋଇ ପଡିଛି । ଏହାସହ ମନ୍ଦିରର ଜିନିଷପତ୍ର  ଏଣେତେଣେ ପଡିଥିବାର ଦେଖିଥଲେ ।  ତାପରେ ସ୍ଥାନୀୟ ଲୋକଙ୍କୁ ଜଣାଇବା ସହ  ପୁଲିସକୁ ଖବର ଦେଇତିଲେ ।  ପରେ ମନ୍ଦିର ପୂଜକ  ଥାନାରେ ଅଭିଯୋଗ କରିଥିଲେ । ମାଙ୍କ ହୁଣ୍ଡି ବାକ୍ସରୁ  ମଧ୍ୟ ଚୋରମାନେ  ଟଙ୍କା ନେଇଯାଇଥିବା  ଅଭିଯୋଗ ହୋଇଛି ।  ଚୋରି ଅଳଙ୍କାରର  ମୂଲ୍ୟ  ଲକ୍ଷାଧିକ  ଟଙ୍କା ହେବ ବୋଲି  ଜଣା ପଡିଛି  । ବାରଙ୍ଗ ଥାନା ପୋଲିସ ଘଟଣାର ତଦନ୍ତ କରୁଛି  ।