ଗାଁକୁ ଫେରୁଥିଲେ ଯୁବକ : ଦୁର୍ଘଟଣାରେ ଚାଲିଗଲା ଜୀବନ

କୋରାପୁଟ : ଦେଓମାଳିରୁ  ବାଇକ ଯୋଗେ ଜଣେ ଯୁବକ ଫେରୁଥିବା ବେଳେ  ସର୍ଗିଗୁଡା ନିକଟରେ  ଏକ ମର୍ମନ୍ତୁଦ ଦୁର୍ଘଟଣା ଘଟିଛି ।  ମୃତକ ଜଣଙ୍କ ହେଉଛନ୍ତି  କେନ୍ଦୁଗୁଡା ଗାଁର  ଚନ୍ଦ୍ରଶେଖର ସୌର । ବୟସ ୨୬ ବର୍ଷ । ସୂଚନା ଅନୁସାରେ ଚନ୍ଦ୍ରଶେଖର ସୌର  ନିଜ ସାଙ୍ଗମାନଙ୍କ ସହ  ଦେଓମାଳି ବୁଲିବାକୁ ଯାଇଥିଲେ ।  ଆଜି ସକାଳେ ଗାଁକୁ ଫେରୁଥିବା ବେଳେ  ବାଇକଟି ଟ୍ରକ ପଛପଟେ ପିଟିହୋଇଥିଲା । ଯାହା ଫଳରେ ଘଟଣା ସ୍ଥଳରେ ସୌରଙ୍କ ମୃତ୍ୟୁ ଘଟିଥିଲା ।  ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରୁଛି ।