ନିଆଁ ଲଗେଇ ଧାନ ଗଦା ଜାଳିଦେଲେ ଦୁର୍ବୃତ୍ତ

ବଲାଙ୍ଗୀର: ନିଆଁ ଲାଗି ଜଳିଯାଇଛି ଧାନ ଗଦା । ଏହି ଅଗ୍ନିକାଣ୍ଡରେ ହାରାହାରି ୩୦୦ ବସ୍ତା ଧାନ କ୍ଷତି ହୋଇଥିବା ଜଣାପଡ଼ିଛି । ତେବେ ଏଭଳି ଘଟଣା ଘଟିଛି ବଲାଙ୍ଗୀର ଜିଲ୍ଲା ପୁଇଁତଲା ବ୍ଲକ ଦୁର୍ଗାପାଲି ଗାଁରେ । ଖବର ଅନୁଯାଇ , ଦୁର୍ଗାପାଲି ଗାଁ ନଳିନ ପଟେଲ ନିଜର ୪ ଏକର ଚାଷ ଜମିରେ ଧାନ ଚାଷ କରିଥିଲେ । ଜମିରେ ଧାନ କାଟି ଗଦା କରି ରଖିଥିବା ବେଳେ ହେଲେ ବୁଧବାର ବିଳମ୍ୱିତ ରାତିରେ କିଛି ଦୁର୍ବୃତ୍ତ ଧାନ ଗଦାରେ ନିଆଁ ଲଗାଇ ଦେଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ନିଆଁ ନିଭାଇବାକୁ ଚେଷ୍ଟା କରିଥିଲେ । ହେଲେ ଏହାରି ଭିତରେ ହାରାହାରି ୩୦୦ ବସ୍ତା ଧାନ ଜଳି ନଷ୍ଟ ହୋଇଥିବା ମିଳିଛି ସୂଚନା ମିଳିଛି ।