ଭୁବନେଶ୍ୱର: ମାନ୍ୟବର ବିଧାୟିକା ଶ୍ରୀମତି ପ୍ରମିଳା ମଲ୍ଲିକ ଓ ମାନ୍ୟବର ବିଧାୟକ ଶ୍ରୀ ପ୍ରତାପ କେଶରୀ ଦେବଙ୍କ ଦ୍ୱାରା ଆଗତ ମୁଲତବି ପ୍ରସ୍ତାବ ମହଙ୍ଗା ମାଡରେ ରାଜ୍ୟବାସୀ ହନ୍ତସନ୍ତ ହେଉଛନ୍ତି । ନିତ୍ୟ ବ୍ୟବହାଯ୍ୟ ଦ୍ରବ୍ୟର ମୂଲ୍ୟ ବୃଦ୍ଧି ରୋକିବାରେ ସରକାର ବିଫଳ ହୋଇଛନ୍ତି , ଏହାର ଉତ୍ତର ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କହିଛନ୍ତି, ରାଜ୍ୟରେ ଆବଶ୍ୟକ ହେଉଥିବା ନିତ୍ୟ ବ୍ୟବହାଯ୍ୟ ଦ୍ରବ୍ୟ ରାଜ୍ୟର ଆଭ୍ୟନ୍ତୀକରଣ ଉତ୍ପାଦନ ବ୍ୟତୀତ ପଡୋଶୀ ରାଜ୍ୟ ମାନଙ୍କ ଟଆରୁ ଆମଦାନୀ କରାଯାଇ ରାଜ୍ୟ ବାସୀଙ୍କ ଚାହିଦା ପୂରଣ କରାଯାଏ । ଚଳିତ ବର୍ଷ ଚାଉଳ, ଚିନ. ଗୁଡ , ଆଳୁ ଆଦିର ମୂଲ୍ୟ ପ୍ରାୟତଃ ସ୍ଥିର ରହିଥିବା ସ୍ଥଳେ ବିଭିନ୍ନ ପ୍ରକାର ଡାଲି , ମୁଗ, ହରଡ ଆଦିର ମୂଲ୍ୟ ଗତ ବର୍ଷ ତୁଳନାରେ ହ୍ରାସ ଘଟିଛି । ଉପରୋକ୍ତ ତଥ୍ୟକୁ ଲକ୍ଷ୍ୟ ରଖି ରାଜ୍ୟବାସୀ କିପରି ସୁଲଭ ମୂଲ୍ୟରେ ନିତ୍ୟ ବ୍ୟବହାଯ୍ୟ ସାମଗ୍ରୀ ପାଇପାରିବେ , ସେଥିପାଇଁ ସରକାର ନିମ୍ନଲିଖିତ ପଦକ୍ଷେପ ଗ୍ରହଣ କରିଛନ୍ତି ।ଗହମ ତଥା ଗହମ ଜାତୀୟ ଦ୍ରବ୍ୟ , ଆଳୁ , ପିଆଜ , ଡାଲି ଓ ତେଲର ଗଚ୍ଛିତ ପରିମାଣ ତଦାରଖ ପାଇଁ ସମସ୍ତ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି । ରାଜ୍ୟର ଉତ୍ପାଦ ସାମଗ୍ରୀର ସୁଷମ ବଣ୍ଟନ ତଥା ବଳକଆ ସାମଗ୍ରୀକୁ ଗଚ୍ଛିତ ରଖିବା ପାଇଁ ଜିଲ୍ଲା ସ୍ତରରେ ମଣ୍ଡି ତଥା ଶୀତଳ ଭଣ୍ଡାର ସ୍ଥାପନ ନିମନ୍ତେ ସରକାର ବିଚାର କରୁଛନ୍ତି । ରାଜ୍ୟର ସମସ୍ତ ଜିଲ୍ଲାପାଳଙ୍କୁ ସ୍ଥାନୀୟ ବ୍ୟବସାୟୀମାନଙ୍କର ବୈଠକ କରିବା ସଙ୍ଗେ ସଙ୍ଗେ ବିଭିନ୍ନ ଆବଶ୍ୟକ ଦ୍ରବ୍ୟ ଯଥା ଡାଲି , ତେଲ , ଆଳୁ , ପିଆଜ ମୂଲ୍ୟ ଉପରେ ନଜର ରଖିବାକୁ ନିର୍ଦ୍ଦେଶ ଦେଇଛନ୍ତି । ଚଳିତ ଆର୍ଥିକ ବର୍ଷର ୧୩୩ ଜଣ ଖିଲାପକାରୀ ବ୍ୟବସାୟୀଙ୍କ ଠାରୁ ୧୬୩୫୦୦ ଟଙ୍କା ଜରିମାନା ଆଦାୟ କରାଯାଇଥିବା ସ୍ଥଳେ ୨୫ ଜଣ ବ୍ୟବସାୟୀଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଛି ।
