ରେଳ ଟ୍ରାକ ଉପରୁ ଦୁଇ ଯୁବକଙ୍କ ମୃତଦେହ ଉଦ୍ଧାର

ବାଲେଶ୍ବର : ବାଲେଶ୍ବର ଜିଲ୍ଲା ବାହାନଗା ଦାଣ୍ଡହରିପୁର ଅଘଟଣ । ରେଳ ଫାଟକ ନିକଟରୁ ୨ ଯୁବକଙ୍କ ମୃତଦେହକୁ ଉଦ୍ଧାର । ସୂଚନା ଅନୁସାରେ, ସୋମବାର ୨ ଜଣ ସାଙ୍ଗ ଏକ ବାଇକରେ ଆସୁଥିବା ସମୟରେ ଦାଣ୍ଡହରିପୁର ରେଳ ଫାଟକ ନିକଟରେ ଟ୍ରେନ ଆସୁଥିବାରୁ ଛିଡା ହୋଇଥିଲେ । ଏହି ସମୟରେ ୨ ଜଣଙ୍କ ମଧ୍ୟରୁ ଜଣେ ଟ୍ରେନ ଗାଁକୁ ଦୌଡ଼ି ପଳାଇଥିଲେ ଆଉ ଜଣେ ଯୁବକ ତାଙ୍କୁ ବଞ୍ଚେଇବାକୁ ଯାଇ ଟ୍ରାକ ନିକଟକୁ ପଳାଇଥିଲେ । କିନ୍ତୁ ପୁରୀରୁ ହାୱଡ଼ା ଅଭିମୁଖେ ଯାଉଥିବା ସୁପରଫାଷ୍ଟ ଏକ୍ସପ୍ରେସ ଧକ୍କାରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଯାଇଥିଲା । ଆଜି ସକାଳେ ସ୍ଥାନୀୟ ଲୋକେ ରେଳ ଟ୍ରାକ ଉପରେ ଦୁଇଟି ମୃତଦେହ ଖଣ୍ଡ ବିଖଣ୍ଡିତ ହୋଇ ପଡିଥିବାର ଦେଖି ପୋଲିସ ଓ ଜିଆରପିକୁ ଖବର ଦେଇଥିଲେ । ଖବର ପାଇ, ଜିଆରପି ପହଞ୍ଚି ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଛି । ମୃତ ଦୁଇ ଜଣଙ୍କର ପରିଚୟ ମିଳିନାହିଁ । ପୋଲିସ ଏହି ଘଟଣାର ତଦନ୍ତ କରୁଛି ।