ଗଛରୁ ମିଳିଲା ଶିକ୍ଷକଙ୍କ ଝୁଲନ୍ତା ମୃତଦେହ

ଭଦ୍ରକ: ଗଛରୁ ଶିକ୍ଷକଙ୍କ ଝୁଲୁନ୍ତା ମୃତ ଦେହ ଉଦ୍ଧାର ହୋଇଛି । ଘଟଣାଟି ଘଟିଛି ଭଦ୍ରକ ଜିଲ୍ଲା ଧାମନଗର ଥାନା ଅନ୍ତର୍ଗତ ଦଇପୁରୁ ପଞ୍ଚାୟତରେ । ମୃତ ବ୍ୟକ୍ତିଙ୍କ ନାଁ ସୁରେନ୍ଦ୍ର ପଣ୍ଡା । ଆଜି ସୁରେନ୍ଦ୍ର ପଣ୍ଡାଙ୍କର ମୃତ ଦେହ ଗଛରେ ଝୁଲୁଥିବାର ଗ୍ରାମରଖି ଦେଖିଥିଲେ । ଏନେଇ ସଙ୍ଗେ ସଙ୍ଗେ ଧାମନଗର ପୁଲିସକୁ ଖବର ଦେଇଥିଲେ ଗ୍ରାମରଖି । ପୁଲିସ ଘଟଣାସ୍ଥଳରେ ପହଞ୍ଚି ମୃତଦହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି । ସୁରେନ୍ଦ୍ରଙ୍କ ମୃତଦହ ଠାରୁ ପ୍ରାୟ ୫୦୦ ମିଟର ଦୁରରେ ତାଙ୍କ ବାଇକ ଓ ଚିରା ସାର୍ଟ୍ ପଡ଼ିଥିବା ଦେଖିବା ପରେ ତାଙ୍କୁ କେହି ହତ୍ୟା କରିଥିବା ସନ୍ଦେହ କରୁଛି ପୁଲିସ ।