ଓପିଏସସିକୁ ସୁପ୍ରିମକୋର୍ଟଙ୍କ କଟାକ୍ଷ

ନୂଆଦିଲ୍ଲୀ: ସୁପ୍ରିମକୋର୍ଟ ଓଡ଼ିଶା ଲୋକସେବା ଆୟୋଗ (OPSC)କୁ କଡ଼ା ସମାଲୋଚନା କରିଛନ୍ତି।   ସୁପ୍ରିମକୋର୍ଟ କହିଛନ୍ତି ଯେ, OPSC ନିଜକୁ ବହୁତ ଉତ୍କୃଷ୍ଟ ବୋଲି ଭାବୁଛି ଏବଂ ସେଥିପାଇଁ କମିଶନ ଭୁଲ କରିବାକୁ ସ୍ୱୀକାର କରେ ନାହିଁ। OJS ଉତ୍ତର ପତ୍ର ମୂଲ୍ୟାଙ୍କନ ପ୍ରକ୍ରିୟାରେ ଭୁଲ ସ୍ୱୀକାର ନକରିବା ପାଇଁ OPSC ଉପରେ ସୁପ୍ରିମକୋର୍ଟ କଡ଼ା ସମାଲୋଚନା କରିଛନ୍ତି। ଜଷ୍ଟିସ ସୂର୍ଯ୍ୟକାନ୍ତ, ଜଷ୍ଟିସ ଦୀପଙ୍କର ଦତ୍ତ ଏବଂ ଜଷ୍ଟିସ ବିଜୟ ବିଷ୍ଣୋଇଙ୍କୁ ନେଇ ଗଠିତ ସୁପ୍ରିମକୋର୍ଟର ତିନି ଜଣିଆ ଖଣ୍ଡପୀଠ ହାଇକୋର୍ଟର ରାୟକୁ ଚ୍ୟାଲେଞ୍ଜ କରି OPSC ଦ୍ୱାରା ଦାଖଲ କରାଯାଇଥିବା ଆବେଦନକୁ ଖାରଜ କରିଛନ୍ତି। ସୁପ୍ରିମକୋର୍ଟ କହିଛନ୍ତି, ଉତ୍ତର ଖାତା ମୂଲ୍ୟାୟନରେ କମିଶନ ଏତେ ଗୁରୁତର ଭୁଲ କରିପାରିବେ ନାହିଁ। ମୂଲ୍ୟାୟନରେ ଏପରି ଭୁଲକୁ ଅଣଦେଖା କରାଯାଇପାରିବ ନାହିଁ। ଏଥିପାଇଁ କମିଶନ ଦାୟୀ ରହିବା ଉଚିତ। ଜଷ୍ଟିସ୍ ଦୀପଙ୍କର ଦାସ ମନ୍ତବ୍ୟ ଦେଇଥିଲେ, “ଯଦି ଆପଣ ଆରମ୍ଭରୁ ସ୍ୱୀକାର କରିଥାନ୍ତେ ଯେ ଆମ ପକ୍ଷରୁ କିଛି ଭୁଲ ହୋଇଛି ଏବଂ ଆମେ ଏହାର ତଦନ୍ତ କରିଥାନ୍ତେ, ତେବେ ଏହି ମାମଲା ସେଠାରେ ଶେଷ ହୋଇଥାନ୍ତା।” ତଥାପି, ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି ଯେ OPSC ଉପରେ ହାଇକୋର୍ଟ ଦେଇଥିବା ନକାରାତ୍ମକ ମନ୍ତବ୍ୟକୁ ଭବିଷ୍ୟତର ମାମଲା ପାଇଁ ଉଦାହରଣ ଭାବରେ ନିଆଯିବ ନାହିଁ।