ନୂଆଦିଲ୍ଲୀ: ଅପରେସନ ସିନ୍ଦୂର ସମ୍ପର୍କରେ ସେନାର ପ୍ରେସ ବ୍ରିଫିଂ। ବୈଦେଶିକ ସଚିବ ବିକ୍ରମ ମିଶ୍ରୀ ଭାରତର କାର୍ଯ୍ୟାନୁଷ୍ଠାନ ବିଷୟରେ ସୂଚନା ଦେଇଛନ୍ତି। ବୈଦେଶିକ ସଚିବ ବିକ୍ରମ ମିଶ୍ରୀ କହିଛନ୍ତି, ଆପଣମାନେ ସମସ୍ତେ ଜାଣନ୍ତି ଯେ ଲସ୍କର-ଏ-ତୈବା ଆତଙ୍କବାଦୀମାନେ ଭାରତୀୟ ପର୍ଯ୍ୟଟକଙ୍କ ଉପରେ ଆକ୍ରମଣ କରିଥିଲେ। ଏଥିରେ ୨୫ ଜଣ ଭାରତୀୟ ଏବଂ ଜଣେ ନେପାଳୀ ନାଗରିକଙ୍କ ମୃତ୍ୟୁ ହୋଇଥିଲା। ବିକ୍ରମ ମିଶ୍ରୀ କହିଛନ୍ତି, ଏହି ଆକ୍ରମଣର ଲକ୍ଷ୍ୟ ଥିଲା ବିକାଶ ଏବଂ ପ୍ରଗତିକୁ ବନ୍ଦ କରି ରାଜ୍ୟକୁ ପଛୁଆ କରିବା ଏବଂ ସୀମା ଆରପାରିରେ ପାକିସ୍ତାନ ପାଇଁ ଏହାକୁ ଉର୍ବର ରଖିବା। ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣର ଦାୟିତ୍ୱ ଟିଆରଏଫ୍ ନେଇଥିଲା। ଆକ୍ରମଣକାରୀମାନଙ୍କୁ ମଧ୍ୟ ଚିହ୍ନଟ କରାଯାଇଛି। ଆମର ଗୁଇନ୍ଦା ସଂସ୍ଥା ଆକ୍ରମଣରେ ସମ୍ପୃକ୍ତ ଲୋକଙ୍କ ବିଷୟରେ ସୂଚନା ସଂଗ୍ରହ କରିଛି। ଏହି ଆକ୍ରମଣର ପାକିସ୍ତାନ ସହ ସମ୍ପର୍କ ଅଛି।
ପାକିସ୍ତାନ ଆତଙ୍କବାଦୀଙ୍କ ପାଇଁ ଏକ ନିରାପଦ ଆଶ୍ରୟସ୍ଥଳ ଭାବରେ ସାରା ବିଶ୍ୱରେ ପରିଚିତି ପାଇଛି। ଆକ୍ରମଣର ପନ୍ଦର ଦିନ ପରେ ମଧ୍ୟ ପାକିସ୍ତାନ ଆତଙ୍କବାଦୀଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନେଇନାହିଁ। ସେ ପାଲଟା ଅଭିଯୋଗ ଆଣିଲେ। ଭାରତ ବିରୁଦ୍ଧରେ ଆହୁରି ଆକ୍ରମଣ ହୋଇପାରେ। ତେଣୁ ଏହାକୁ ମୁକାବିଲା କରିବା ଗୁରୁତ୍ୱପୂର୍ଣ୍ଣ। ଭାରତ ଆତଙ୍କବାଦର ଅନ୍ତ ପାଇଁ ଜବାବ ଦେଇଛି। ଆତଙ୍କବାଦୀମାନେ ଜମ୍ମୁ-କାଶ୍ମୀରରେ ବିକାଶକୁ ବନ୍ଦ କରିବାକୁ ଚାହୁଁଛନ୍ତି। ଟିଆରଏଫ୍ ହେଉଛି ଲସ୍କର ସହିତ ଜଡିତ ଏକ ସଂଗଠନ। ପହଲଗାମ ଆକ୍ରମଣରେ ଟିଆରଏଫ୍ ସାମିଲ ଅଛି। ବିକ୍ରମ ମିଶ୍ରୀ ଅପରେସନ ସିନ୍ଦୂର ବିଷୟରେ କହିଥିଲେ, ଭାରତ ଆତଙ୍କବାଦ ବିରୁଦ୍ଧରେ ନିଜର ଅଧିକାର ବ୍ୟବହାର କରିଛି। ପହଲଗାମ ଆକ୍ରମଣର ଲକ୍ଷ୍ୟ ହେଉଛି ଦେଶରେ ସାମ୍ପ୍ରଦାୟିକ ଦଙ୍ଗା ସୃଷ୍ଟି କରିବା।
