ସୁନ୍ଦରଗଡ: ୧୨ ଘଣ୍ଟିଆ ବନ୍ଦ ଡାକରା

ସୁନ୍ଦରଗଡ : ଆଜି ସୁନ୍ଦରଗଡ ବନ୍ଦ । କୋଶଳ ସମାଜ ପକ୍ଷରୁ ସୁନ୍ଦରଗଡରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି ।  ତାମିଲନାଡୁରେ ଆଦିବାସୀ  ଝିଅକୁ ଚାକିରି ଦେବା ନାଁରେ   ଶୋଷଣ ହେଉଥିବା ପ୍ରତିବାଦରେ  ଏହି ବନ୍ଦ ଡାକରା ଦିଆଯାଇଛି । ସେଥିପାଇଁ ସ୍କୁଲ, କଲେଜ, ସରକାରୀ ଅଫିସ ସହ ଗମନାଗମନ ସମ୍ପୂର୍ଣ୍ଣ ବନ୍ଦ କରିବାକୁ ଆହ୍ବାନ ଦିଆଯାଇଛି । ସହରର ମୁଖ୍ୟ ପ୍ରବେଶ ଦ୍ୱାର ସହିତ ବିଜୁ ଏକ୍ସପ୍ରେସ ୱେ’ର ପତ୍ରପାଲି ଛକ ଓ ଏମ୍ସିଏଲ ରାସ୍ତାର ବନ୍ଧପାଲି ଛକ ଠାରେ ରାସ୍ତା ଅବରୋଧ କରି ରାସ୍ତାରୋକ କରାଯାଇଛି। ସୁରକ୍ଷା ପାଇଁ ବ୍ୟାପକ ପୋଲିସ ମୁତୟନ କରାଯାଇଛି ।