ଦିଲ୍ଲୀ ବିଧାନସଭାରେ ବାଚସ୍ପତିଙ୍କ ଗାଡ଼ିକୁ କାଳି ମାଡ଼

ନୂଆଦିଲ୍ଲୀ: ଦିଲ୍ଲୀ ବିଧାନସଭାରେ ଏକ ବଡ଼ ସୁରକ୍ଷା ତ୍ରୁଟି ସାମ୍ନାକୁ ଆସିଛି । ଆଜି କିଛି ଦୁର୍ବୃତ୍ତ ଏକ କାର୍‌ରେ ଜୋରଜବରଦସ୍ତ ଗେଟ୍ ନମ୍ବର ୨ ଦେଇ ପ୍ରବେଶ କରି ବାଚସ୍ପତିଙ୍କ ଗାଡ଼ି ଉପରେ କାଳି ଫିଙ୍ଗିଛନ୍ତି । ଏଭଳି କାଣ୍ଡ ଭିଆଇ ଦୁର୍ବୃତ୍ତମାନେ ସେହି କାରରେ ଘଟଣାସ୍ଥଳରୁ ପଳାଇ ଯାଇଛନ୍ତି । ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, ବିଧାନସଭା ପରିସରରେ ପ୍ରବେଶ କରିବା ପରେ, କାରଟି କିଛି ସମୟ ପାଇଁ ଭିତରେ ରହିଥିଲା, ତା’ପରେ ବାହାରକୁ ଆସି ଦ୍ରୁତ ଗତିରେ ଚାଲିଯାଇଥିଲା ।ଦିଲ୍ଲୀ ପୁଲିସର ଜଣେ ଡିସିପି କହିଛନ୍ତି ଯେ, ଉତ୍ତର ପ୍ରଦେଶ ପଞ୍ଜିକରଣ ନମ୍ବର ଥିବା ଏକ କାର ଜୋରଜବରଦସ୍ତ ଗେଟ୍ ନମ୍ବର ୨ ରେ ପ୍ରବେଶ କରିଥିଲା । ଏହା ଲୁହା ଗେଟ୍‌କୁ କ୍ଷତି ପହଞ୍ଚାଇଥିଲା । ଡ୍ରାଇଭର ବିଧାନସଭା ବାଚସ୍ପତି ବିଜେନ୍ଦର ଗୁପ୍ତାଙ୍କ କାର୍ଯ୍ୟାଳୟ ଆଡ଼କୁ ଯାଇଥିଲେ ଏବଂ ବାରଣ୍ଡା ପାଖରେ ଫୁଲର ଏକ ଗୁଚ୍ଛ ରଖିଥିଲେ । ଦିଲ୍ଲୀ ପୁଲିସ କହିଛି,ଗାଡିର ସନ୍ଧାନ ଚାଲିଛି । ଗେଟ୍‌ରେ ସିଆର୍‌ପିଏଫ୍‌ ନିୟୋଜିତ କରାଯାଇଥିଲା ।