ଖୁବଶୀଘ୍ର ଶ୍ରୀମନ୍ଦିରରେ ଧାଡ଼ି ଦର୍ଶନ ବ୍ୟବସ୍ଥା: ମନ୍ତ୍ରୀ

ଭୁବନେଶ୍ୱର: ଶ୍ରୀମନ୍ଦିରରେ  ଧାଡି ଦର୍ଶନ ବ୍ୟବସ୍ଥା  ପାଇଁ ଖୁବଶୀଘ୍ର ପ୍ରସ୍ତୁତ ହେବ ଗାଇଡଲାଇନ । ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ଧାଡି ଦର୍ଶନ  ନେଇ ପରିଚାଳନା  କମିଟି ଅନୁମୋଦନ କରିଛନ୍ତି । ଧାଡି ଦର୍ଶନ ବ୍ୟବସ୍ଥା କାର୍ଯ୍ୟକାରୀ  କରିବା ପାଇଁ  ଜିଲ୍ଲାପାଳଙ୍କ ଅଧ୍ୟକ୍ଷତାରେ  ଏକ ସବ କମିଟି ଗଠନ କରିବାକୁ  ପରିଚାଳନା କମିଟିକୁ  ପ୍ରସ୍ତାବ ଦିଆଯାଇଛି ।  ଏନେଇ ସବ କମିଟି ସେବାୟତ ନିଯୋଗଙ୍କ ସହ ଆଲୋଚନା କରିବେ । ଯେମିତି ଶ୍ରୀଜିଉଙ୍କ  ନୀତିକାନ୍ତି  ପ୍ରଭାବିତ  ନହେବ  ସେ ଅନୁସାରେ ନାଟ ମଣ୍ଡପରେ  ଧାଡି ଦର୍ଶନ ପାଇଁ  ମାର୍ଗଦର୍ଶିକା ପ୍ରସ୍ତୁତ କରିବେ । ଏହି ମାର୍ଗଦର୍ଶିକା ଆଧାରରେ  ପ୍ରଥମେ ପରୀକ୍ଷାମୂଳକ  ଭାବେ  ଧାଡି ଦର୍ଶନ କାର୍ଯ୍ୟକାରୀ କରିବାକୁ ପରାମର୍ଶ ଦେଇଛି କମିଟି । ଏନେଇ  ବିଧାନସଭାରେ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ଲିଖିତ ପ୍ରଶ୍ନର ଉତ୍ତର ରଖିଛନ୍ତି ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ।