ଆଜି ଜୟପୁରରେ ୧୨ଘଣ୍ଟିଆ  ଦୋକାନ ବଜାର ବନ୍ଦ  

ବ୍ୟୁରୋ  : ସୁନା ବ୍ୟବସାୟୀଙ୍କ  ହୃଦଘାତରେ ମୃତ୍ୟୁ ପରେ  ଆଜି ଜୟପୁର ଚାମ୍ବର୍ସ ଅଫ କମର୍ସ ପକ୍ଷରୁ  ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି । ସିଟି ଓ ଜିଏସଟି ଟିମର ଚଢାଉ ପରେ  ହୃଦଘାତରେ  ଜୟପୁର ସୁନା ବ୍ୟବସାୟୀ  ହର ପ୍ରସାଦ ରାଓଙ୍କ ମୃତ୍ୟୁ ପ୍ରତିବାଦରେ  ଏହି ବନ୍ଦ ପାଳନ କରାଯାଉଛି । ଆଜି ଜୟପୁରର  ସ୍କୁଲ , କଲେଜ ସହିତ ସମସ୍ତ ସରକାରୀ ଓ ବେସରକାରୀ ଅନୁଷ୍ଠାନ ଓ ଔଷଧ  ଦୋକାନଗୁଡିକୁ  ବାଦ ଦିଆଯାଇଛି । କେବଳ ବ୍ୟବସାୟିକ  ପ୍ରତିଷ୍ଠାନଗୁଡିକୁ  ବନ୍ଦ କରିବାକୁ  ଜୟପୁର ଚାମ୍ବର୍ସ ଅଫ କମର୍ସର ଅଧ୍ୟକ୍ଷ  କହିଛନ୍ତି । ଗତ ମଙ୍ଗଳବାର ଧନତେରାସ ରେ  ହରପ୍ରସାଦଙ୍କ ଜୁଏଲେରୀ  ଦୋକାନରେ  ଚଢଉ କରିଥିଲା ସିଟି – ଜିଏସଟି ବିଭାଗ । ସେହି ଦିନଠାରୁ ସେ ଚିନ୍ତାରେ ଥିଲେ ।  ତାଙ୍କ ଭାଇ ଅଭିଯୋଗ କରିଛନ୍ତି  ପୂଜା ପର୍ୱ  ଦିନ ଜୁଏଲାରୀ ଦୋକାନରେ ରେଡ ତାଙ୍କୁ ଆଘାତ ଦେଇଥିଲା । ଗତ ଗୁରୁବାର ଦିନ  ପି ହର ପ୍ରସାଦ ସକାଳ ୮ଟା ଯାଏଁ  ସେ ଉଠି ନଥିଲେ । ନଉଠିବାରୁ ପରିବାର ଲୋକେ  ତାଙ୍କୁ ଡାକ୍ତରଖାନା ନେଇଥିବା ବେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥଥିଲେ ।