ନୂଆଦିଲ୍ଲୀ: ପୂର୍ବତନ ବାଂଲାଦେଶୀ ପ୍ରଧାନମନ୍ତ୍ରୀ ଶେଖ ହସିନା ପୁଣି ଥରେ ବାଂଲାଦେଶର ମହମ୍ମଦ ୟୁନୁସ ସରକାରଙ୍କୁ ଟାର୍ଗେଟ କରିଛନ୍ତି। ଦି ଇଣ୍ଡିପେଣ୍ଡେଣ୍ଟ ସହିତ ଏକ ସାକ୍ଷାତକାରରେ ଶେଖ୍ ହସିନା କହିଛନ୍ତି, “ଏହା କହିବା ସମ୍ପୂର୍ଣ୍ଣ ମିଥ୍ୟା ଯେ ମୁଁ ଗତ ବର୍ଷ ସୁରକ୍ଷା ବାହିନୀକୁ ଭିଡ଼ ଉପରେ ଗୁଳି ଚଳାଇବାକୁ ନିର୍ଦ୍ଦେଶ ଦେଇଥିଲି। ଭୂମି ସ୍ତରରେ ସୁରକ୍ଷା ବାହିନୀ ମଧ୍ୟରେ ଶୃଙ୍ଖଳାର ଅଭାବ ଯୋଗୁଁ ମୃତାହତଙ୍କ ସଂଖ୍ୟା ବୃଦ୍ଧି ପାଇଥିଲା। ସରକାର ପ୍ରାରମ୍ଭିକ ହତ୍ୟାକାଣ୍ଡର ଏକ ସ୍ୱାଧୀନ ତଦନ୍ତ ଆରମ୍ଭ କରିଥିଲେ, ଯାହାକୁ ପରେ ୟୁନୁସ୍ ସରକାର ବନ୍ଦ କରିଦେଇଥିଲେ।”ଆହୁରି ସେ କହିଛନ୍ତି ଯେ ଯଦି ବାଂଲାଦେଶର ଆନ୍ତର୍ଜାତୀୟ ଅପରାଧ ଟ୍ରିବ୍ୟୁନାଲ୍ (ICT) ତାଙ୍କୁ ମୃତ୍ୟୁଦଣ୍ଡ ଦିଅନ୍ତି, ତେବେ ସେ ଭୟ ମଧ୍ୟ କରିବେ ନାହିଁ। “ICT ହେଉଛି ଏକ ଜାଲ କୋର୍ଟ ଯାହାର ଅଧ୍ୟକ୍ଷତା ମୋର ରାଜନୈତିକ ବିରୋଧୀମାନଙ୍କୁ ନେଇ ଗଠିତ ଏକ ଅନିର୍ବାଚିତ ସରକାର ଦ୍ୱାରା କରାଯାଏ। ସେହି ବିରୋଧୀମାନଙ୍କ ମଧ୍ୟରୁ ଅନେକ ମୋତେ ହଟାଇବା ପାଇଁ ଯେକୌଣସି ସୀମା ପର୍ଯ୍ୟନ୍ତ ଯିବେ,” ସେ କହିଛନ୍ତି।
ସୂଚନାଥାଉ ଗତ ବର୍ଷ ବାଂଲାଦେଶରେ ଚାକିରି କୋଟା ହଟାଇବା ଦାବିରେ ଆରମ୍ଭ ହୋଇଥିବା ଏକ ଆନ୍ଦୋଳନ ଶୀଘ୍ର ଏକ ଦେଶବ୍ୟାପୀ ବିଦ୍ରୋହରେ ପରିଣତ ହୋଇଥିଲା, ଯାହା ଫଳରେ ଶେଖ୍ ହାସିନାଙ୍କୁ ଦେଶ ଛାଡି ପଳାଇବାକୁ ପଡିଥିଲା। ମଧ୍ୟବର୍ତ୍ତୀକାଳୀନ ସରକାରଙ୍କ ମୁଖ୍ୟ ପବ୍ଲିକ ପ୍ରସିକ୍ୟୁଟର ତାଜୁଲ ଇସଲାମ ଛାତ୍ର-ନେତୃତ୍ୱାଧୀନ ବିଦ୍ରୋହ ସମୟରେ ହୋଇଥିବା ମୃତ୍ୟୁର ମୁଖ୍ୟ କାରଣ ବୋଲି ଶେଖ୍ ହାସିନାଙ୍କୁ ଅଭିଯୋଗ କରିଛନ୍ତି।
