ନୂଆଦିଲ୍ଲୀ : ଶ୍ରୀନଗରରେ ଅଗ୍ନିକାଣ୍ଡ ଘଟିଛି । ସ୍କୁଲରେ ନିଆଁ ଲାଗିବା ହେତୁ ବିଲ୍ଡିଂ ହୁତୁହୁତୁ ହୋଇ ଜଳିଗଲା । ଶ୍ରୀନଗରର ରାଜବାଗରେ ଥିବା ମୁସଲିମ ପବ୍ଲିକ ସ୍କୁଲରେ ନିଆଁ ଲାଗିଛି । ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ସ୍କୁଲର ଝାରକା ଭାଙ୍ଗି ପିଲାଙ୍କୁ ଉଦ୍ଧାକ କରିଛନ୍ତି । ୩ ମହଲା ବିଶିଷ୍ଟ ସ୍କୁଲ ବିଲ୍ଡିଂରେ ନିଆଁକୁ ଆୟତ୍ତ କରିବାକୁ ନାକେଦମ ହୋଇଛି ଅଗ୍ନିଶମ ବାହିନୀ । କେହି ଛାତ୍ରଛାତ୍ରୀ କାଳେ ସ୍କୁଲ ଭିତରେ ଫଶି ରହିଥିବେ ସେଥିପାଇଁ ଅଗ୍ନିଶମ କର୍ମଚାରୀ ତନ୍ନ ତନ୍ନ କରି ସ୍କୁଲ ବିଲ୍ଡିଂକୁ ଯାଞ୍ଚ କରିଛନ୍ତି । ତେବେ କେଉଁ କାରଣରୁ ନିଆଁ ଲାଗିଛି ତାହା ଏବେ ଯାଏଁ ସ୍ପଷ୍ଟ ହୋଇନାହିଁ ।
