ନୂଆଦିଲ୍ଲୀ: ଟେନିସ୍ରୁ ଅବସର ନେଲେ ରୋହନ ବୋପାନ୍ନା । ଦୁଇଥର ଗ୍ରାଣ୍ଡସ୍ଲାମ ଚାମ୍ପିଅନ, ଅଭିଜ୍ଞ ଭାରତୀୟ ଷ୍ଟାର ଟେନିସ୍ ଖେଳାଳୀ ରୋହନ ବୋପାନ୍ନା ବୃତ୍ତିଗତ ଟେନିସରୁ ତାଙ୍କର ଅବସର ଘୋଷଣା କରିଛନ୍ତି। ସେ ୪୩ ବର୍ଷ ବୟସରେ ପ୍ରଥମ ଥର ପାଇଁ ମିଶ୍ରତ ଡବଲ୍ସରେ ନ୍ମବର ୧ ରାଙ୍କ୍ରେ ପହଞ୍ଚି ଏହି ସଫଳତା ହାସଲ କରିଥିବା ସବୁଠାରୁ ବୟସ୍କ ଖେଳାଳୀ ହୋଇଛନ୍ତି। ସେ ଏବେ ତାଙ୍କର ଟେନିସ୍ କ୍ୟାରିୟରକୁ ବିଦାୟ ଦେଇଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏନେଇ ଘୋଷଣା କରିଛନ୍ତି।
❤️❤️❤️ pic.twitter.com/IS3scPrwhW
— Rohan Bopanna (@rohanbopanna) November 1, 2025
ସେ ୨୦୧୭ରେ ଗାବ୍ରିଏଲା ଡାବ୍ରୋସ୍କିଙ୍କ ସହିତ ଫ୍ରେଞ୍ଚ ଓପନ୍ ମିଶ୍ରିତ ଡବଲ୍ସ ମୁକୁଟ ଜିତି ତାଙ୍କର ପ୍ରଥମ ଗ୍ରାଣ୍ଡସ୍ଲାମ୍ ଟାଇଟଲ୍ ହାସଲ କରିଥିଲେ। ୨୦୨୪ରେ, ସେ ମାଥ୍ୟୁ ଏବଡେନଙ୍କ ସହିତ ଅଷ୍ଟ୍ରେଲିଆନ୍ ଓପନ୍ ପୁରୁଷ ଡବଲ୍ସ ଟାଇଟଲ୍ ଜିତି ପୁଣି ଥରେ ଇତିହାସ ସୃଷ୍ଟି କରିଥିଲେ, ଓପନ୍ ଯୁଗର ସବୁଠାରୁ ବୟସ୍କ ଗ୍ରାଣ୍ଡସ୍ଲାମ୍ ବିଜେତାଙ୍କ ମଧ୍ୟରୁ ଜଣେ ହୋଇଥିଲେ। ୪୪ ବର୍ଷୀୟ ଖେଳାଳି ତାଙ୍କ ନିଷ୍ପତ୍ତି ବିଷୟରେ ସୋସିଆଲ ମିଡିଆରେ ସୂଚନା ଦେଇଛନ୍ତି, ତାଙ୍କ ପ୍ରଶଂସକ, ସାଥୀ ଏବଂ ଭାରତୀୟ ଟେନିସ୍ ଭାଇଚାରାଙ୍କୁ ତାଙ୍କ ଯାତ୍ରାରେ ସେମାନଙ୍କର ଅଟଳ ସମର୍ଥନ ପାଇଁ କୃତଜ୍ଞତା ପ୍ରକାଶ କରିଛନ୍ତି। ବୋପାନ୍ନା ପ୍ୟାରିସ ମାଷ୍ଟର୍ସ ୧୦୦୦ ରେ ତାଙ୍କର ଶେଷ ବୃତ୍ତିଗତ ମ୍ୟାଚ୍ ଖେଳିଥିଲେ, ଏହି ଟୁର୍ଣ୍ଣାମେଣ୍ଟ ପାଇଁ ଆଲେକଜାଣ୍ଡାର ବୁବଲିକଙ୍କ ସହ ମିଶିଥିଲେ।
