ସଡକ ଦୁର୍ଘଟଣା : ୪ ମୃତ

ଲକ୍ଷ୍ନୌ : ଉତ୍ତରପ୍ରଦେଶରର ରାଜଧାନୀ ଲକ୍ଷ୍ନୌରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ରାସ୍ତା ପାର୍ଶ୍ୱରେ ଥିବା ଝୁମ୍ପୁଡ଼ି ଉପରେ ଓଲଟି ପଡିଲା ଟ୍ରକ୍‌, ଫଳରେ ୪ ଜଣଙ୍କ ମୃତ୍ୟୁ ହୋଇଛି। ମୃତକମାନେ ଗୋଟିଏ ପରିବାରର ହୋଇଥିବା ବେଳେ ସେମାନଙ୍କ ମଧ୍ୟରେ ଦୁଇ ଶିଶୁ ଥିବା ଜଣାଯାଇଛି। ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତି ପ୍ରାୟ୩ଟା ବେଳେ ଏହି ଦୁର୍ଘଟଣା ଘଟିଛି।ଟ୍ରକ୍‌ଟି ଦ୍ରୁତ ଗତିରେ ଆସୁଥିବା ବେଳେ ରାତି ପ୍ରାୟ ୩ଟାରେ ଏହି ଦୁର୍ଘଟଣା ଘଟିଛି। ଟ୍ରକ୍‌ଟି ଖୁବ୍‌ ଜୋରରେ ଘର ଉପରେ ଓଲଟି ପଡ଼ିଥିଲା। ଫଳରେ ଉକ୍ତ ସମୟରେ ଘରେ ଶୋଇଥିବା ବାପାମା’ ଓ ୩ ଛୁଆ ତା’ ତଳ ରହି ଯାଇଥିଲେ। ସ୍ଥାନୀୟ ଲୋକେ ତୁରନ୍ତ ପହଞ୍ଚି ଟ୍ରକ୍‌ ତଳୁ ସମସ୍ତଙ୍କୁ ଉଦ୍ଧାର କରି ମେଡିକାଲ ପଠାଇଥିଲେ। ମାତ୍ର ସେଠାରେ ଡାକ୍ତର ବାପାମା’ ଓ ଦୁଇ ଛୁଆଙ୍କୁ ମୃତ ଘୋଷଣା କରିଥିବା ବେଳେ ଜଣେ ଝିଅ ସାମାନ୍ୟ ଆହତ ହୋଇଛି। ସେ ସୁରକ୍ଷିତ ଥିବା ଜଣାଯାଇଛି। ଖବର ପାଇ ପୁଲିସ୍‌ ଘଟଣାସ୍ଥଳରେ ପହଞ୍ଚି ଛାନଭିନ ଆରମ୍ଭ କରିବା ସହ ଟ୍ରକ୍‌ ଡ୍ରାଇଭରଙ୍କ ସମେତ ୨ ଜଣଙ୍କୁ ବାନ୍ଧିଛି। ସମଗ୍ର ପରିବାରକୁ ହରାଇ ନାବାଳିକାଜଣକ ଏକୁଟିଆ ହୋଇ ଯାଇଥିବା ବେଳେ ସେ ଏବେ କିପରି ବଞ୍ଚିବ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।