କୁର୍ଲାରେ ସଡକ ଦୁର୍ଘଟଣା : ୪ ମୃତ, ୨୫ରୁ ଅଧିକ ଆହତ

ନୂଆଦିଲ୍ଲୀ : ଭାରସାମ୍ୟ ହରାଇ ରାସ୍ତାରେ ଯାଉଥିବା ପଥଚାରୀଙ୍କ ଉପରେ ମାଡିଗଲା ବସ । ଏଭଳି  ସଡକ ଦୁର୍ଘଟଣା ମୁମ୍ବାଇ କୁର୍ଲାରେ  ଘଟିଛି ।  ଏହି ଦୁର୍ଘଟଣାରେ ୪ ଜଣଙ୍କ ମୃତ୍ୟୁ ହୋଇତିବା ବେଳେ  ୨୫ରୁ ଅଧିକ ଆହତ ହୋଇଛନ୍ତି ।  ଗୁରୁତରଙ୍କ ସଂଖ୍ୟା ଅଧିକ ଥିବାରୁ ଆଗକୁ ମୃତ୍ୟୁ ସଂଖ୍ୟା ବଢିପାରେ ବୋଲି କୁହାଯାଉଛି । ସୋମବାର ରାତିରେ କୁର୍ଲା ପଶ୍ଚିମ ରେଳ ଷ୍ଟେସନର ଆମ୍ବେଦକର ନଗର ଅଞ୍ଚଳରେ ସରକାରୀ ବସ ଏହି ଦୁର୍ଘଟଣା ଘଟାଇଛି । ବସଟି କୁର୍ଲାରୁ ଅନ୍ଧେରୀକୁ ଯାଉଥିବା ବେଳେ ହଠାତ ବ୍ରେକଫେଲ ହୋଇଯିବା ସହିତ ଲୋକଙ୍କ ଉପରେ ମାଡ଼ିଯାଇଥିଲା । ଘଟଣା ସ୍ଥଳରେ ହିଁ ୩ ଜଣ ଯାତ୍ରୀଙ୍କ ଜୀବନ ଯାଇଥିବା ୨୫ରୁ ଅଧିକ ଆହତଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି । ମୁମ୍ବାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଦୁର୍ଘଟଣା ସ୍ଥଳରୁ ୫୦୦ ମିଟର ପରିଧି ମଧ୍ୟରେ ଲାଗିଥିବା ସମସ୍ତ ସିସିଟିଭିର ଫୁଟେଜ ଯାଞ୍ଚ କରି ଦୁର୍ଘଟଣାର କାରଣ ଖୋଜୁଛି ପୁଲିସ୍ ।